Әмина, 24 жаста, мемлекеттік бағдарламалар арқылы қалай жұмыс тәжірибесін алуға, Электронды еңбек биржасында жұмыс табуға және ешқашан мойынсұнбауға болады
Сәлеметсіз бе! Менің есімім Әмина, мен Өскемен қаласынан боламын. Қазіргі таңда жасым 24-те, 2019 жылы Аманжолов атындағы ШҚМУ-ін "Халықаралық қатынастар" мамандығы бойынша тәмамдадым. Сондай-ақ, 2 және 3 курста ҚХР-да студенттермен алмасу бағдарламасы бойынша қытай тілінің тілдік курстарында оқып, өз тағдырымды әрі қарай осы тілмен байланыстырдым.
Пандемияға дейін мен тіл мектебінде бейресми жұмыс істедім, өйткені оқуды бітіргеннен кейін мен қандай бағытта жұмыс істегім келетінімді нақты шешкен жоқпын. Содан кейін пандемия басталды, мен жұмыстан айрылдым.Instagram-да enbek.kz. бейінін тапқанша жарты жылға жуық уақыт жұмыссыз болдым.
Біріншіден, мен "Жастар практикасы" бағдарламасының өлшемшарттарына сәйкес келгендігімнен, өз мамандығым бойынша алғашқы тәжірибе алдым, өзімді сынап көрдім. Екіншіден, мен жұмыссыз қалған жоқпын. Мен өзімді маман ретінде сынап, қалай жұмыс істейтінімді "өз көзіммен" дегендей көргенім және одан әрі кәсіби қызметімді осы кәсіппен байланыстырғым келетін-келмейтінін шешкенім жақсы болды.
Мен тұғырнама туралы Instagram арқылы білдім. Enbek-тің Instagram-дағы ресми парақшасынан постты кездестіріп, бірден сайтқа кірдім, онда қалаған жұмысымды іздей бастадым. Мен enbek.kz-те, барлығы бір еңбек биржасында HH, OLX және басқа жұмыс іздеу сайттары мен қосымшаларындағы барлық жұмыс орындары орналастырылғанына таң қалдым. Бұл өте ыңғайлы! Осы жаңалық туралы бірден жұмысқа мұқтаж курстастарыммен бөлістім. Түйіндемені тіркеу кезінде сайтта бірден толтыруға болатындығы өте ұнайды, қалауыңызға қарай түйіндеменің құжатын тіркеуге болады. Сайтта іздеу өте ыңғайлы, қалаған лауазымды немесе осы салаға қатысты сөзді енгізуге болады, мысалы, мен іздеуге "қытай тілін" енгіздім. Барлығы түсінікті және тегін!
Менің ойымша, Enbek тұғырнамасының арқасында көптеген адамдар өздерін орындарын тауып, жұмысқа орналасты. Оқу орнын жаңа бітірген студенттерден жұмыс тәжірибесі күтіледі. Сіз оларға осы мүмкіндікті бересіз. Сіз жұмыссыз адамдарды тастап кетпейсіз, жұмысқа орналасқанша істі соңына дейін жеткізесіз. Сондай-ақ, "жұмыссыз" мәртебесі бойынша мемлекет әлеуметтік төлемдер арқылы қолдайды.
Мен сіздің сайтыңыздағы түйіндемені қадам-қадаммен толтырдым, одан бұрын құрастырылған түйіндемемнің құжатын тіркедім, тіркелдім және "Жастар практикасы" бағдарламасы бойынша Жұмыспен қамту орталығына жолдадым. Әрі қарай анықтау орны бойынша жұмысты бастадым, 2,5 ай жұмыс істедім. Бір күні менің болашақ жұмыс берушім маған ұсыныс жасап, қоңырау шалды, ол менің түйіндемемді Enbek тұғырнамасында тапқанын айтты. Мен әңгімелесуден өттім. 19 сәуірде мені жұмысқа қабылдады. Бірінші апта оқытты. Сынақ мерзімім 3 айға созылды. 19 шілдеде менің сынақ мерзімім аяқталады, бірақ мен бірінші айда жұмысқа толығымен сіңгенімді және бұл жұмыс маған ұнайтынын сезіндім. Қазірдің өзінде мен баға жетпес тәжірибе, өте көп ақпарат және көптеген сезімдер алдым деп сенімді түрде айта аламын!
Қазіргі уақытта мен көлік-экспедиторлық қызметтерді ұсынатын "Skyvision" ЖШС-нің жас компаниясында жұмыс істеймін. Ұжым жас, директорлар түлектерді қолдайды, өйткені өздері де осындай жағдайға тап болды және студент болудың не екенін біледі. Компания еңбек нарығында жаңа болғанына қарамастан, ол белсенді дамып келеді және көлемі жағынан ірі компаниялардан кем түспейді.
Менің спецификациям проблемалық контейнерлерді шешуге бағытталған. Кеденге контейнерлері бар пойыздар келеді, кейбіреулерінде құжаттама мен жүк бойынша бәрі дұрыс, кейбіреулерінде тауар-ілеспе құжаттамамен проблемалар бар немесе олардың контейнері тексеруге қойылды. Мен осы мәселелерді шешуге көмектесемін, Қытай тарапымен және алушы тарапымен байланысамын. Мәселені шешу үшін 3 сағат беріледі, содан кейін контейнер сақтауға орналастырылады. Бұл тұрып қалу үшін қосымша шығындар. Сондықтан жұмыс өте жауапты, біршама шиеленісті және зейінқою мен жылдам реакцияны қажет етеді, өйткені тасымалдау көлемі үлкен. Бірақ жұмыстың көптігі мен шиеленіске қарамастан, маған жұмыс өте ұнайды. Менің күнделікті негізде жұмыс таңдаудағы басты өлшемшарт болған тіл тәжірибем бар екеніне қуаныштымын.
Менің ойымша, ең сұранысқа ие кәсіби дағдылар — бұл стресске төзімділік, нәтижеге жұмыс істеу қабілеті, жауапкершілік және тез үйрену қабілеті.
Істі аяғына дейін жеткізе білу, тез әрекет ету және тез тіл табыса білу.
Ешқашан үміт үзбеу, күн сайын барлық мүмкін көздерде жұмыс іздеуді жалғастыру, депрессияға түспеу, керісінше, болып жатқан жағдай үшін жауапкершілікті одан да көп алу. Enbek-ке тіркеліп, кем дегенде әлеуметтік жұмыс немесе егер сіз студент болсаңыз, онда "Жастар практикасы" бағдарламасы бойынша жұмыс істеп көру. Қалауыңыз болса, Сізде бәрі жақсы болады!
Сізге де рахмет!
