Мейірлан, 23 жаста. Дене шынықтыру мұғалімінің жұмысы және спорттың маңыздылығы туралы

 1. Өзіңіз туралы айтып берсеңіз

Менің атым Мейірлан, мен 23 жастамын. Алматыданмын. «Дене шынықтыру және спорт» мамандығын таңдап, академик А.Қуатбеков атындағы Халықтар достығы университетін бітірдім. Тәртіп пен адалдықты бағалаймын, менде әрқашан нақты мақсаттар мен жоспарлар бар.

 2. Кім болып жұмыс істейсіз?

Бір ай бұрын мен П.И. Чайковский атындағы Алматы музыкалық колледжінде дене шынықтыру пәнінің мұғалімі болып жұмыс істей бастадым. Жұмысты табуға маған жұмыспен қамту орталығы көмектесті.

 3. Қазір істеп жатқан ісіңізге қалай келдіңіз?

Мен әрқашан басқаларға көмектесуді және пайдалы болуды жақсы көретінмін, сондықтан маған оқыту және біліміммен бөлісу ұнайды. Мен бұл мамандықты таңдаған кезде осыған сүйендім. Таңдауыммен қателеспейтінімді анық түсіндім.

 4. Жұмысыңыздың қандай артықшылықтар мен кемшіліктері бар?

Маған жұмысымда өзім білетін нәрселермен бөлісіп қана қоймай, өзім үшін көптеген пайдалы нәрселерді ашатыным ұнайды.

 5. Сіздің жұмысыңыздың міндеттері қандай?

Сабақтарда мен Олимпиада чемпиондарын даярламаймын. Менің міндетім – студенттерді дене белсенділігіне дағдыландыру. Дене шынықтырумен айналыса отырып, студенттер бос уақытын сауатты пайдалануды үйренеді.

 6. Сіз өз ісіңізді жақсы көресіз бе?

Мен өз жұмысымды жақсы көремін, оны үлкен жауапкершілікпен және мамандыққа деген үлкен құрметпен орындаймын.

 7. Сіздің салаңызда қандай қасиеттер бағаланады?

Менің жұмысымда жаңа нәрсені үйренуге деген ұмтылыс жоғары бағаланады.

 8. Enbek.kz оқырмандарына қандай кеңес бересіз?

Ең бастысы – өзіңмен жұмыс істеу және жалқаулықпен күресу. Спорт сіздің денсаулығыңызды нығайтуға көмектесетінін түсінуіңіз керек.