Мәдина, 57 жаста. Күзетші жұмысы және сабырлылық туралы

 1. Өзіңіз туралы айтып берсеңіз

Менің атым Мәдина Жылқыбаева, мен 57 жастамын. Алматыда тұрамын. Қорқыт Ата атындағы Қызылорда мемлекеттік университетінің мұнай факультетін бітіргенмін.

 2. Кім болып жұмыс істейсіз?

Мен жеке күзет фирмасында күзетші болып жұмыс істеймін.

 3. Қазір істеп жатқан ісіңізге қалай келдіңіз?

Күзетші болу үшін мен көптеген түрлі сұхбаттасулар мен фирмалардан өттім. Осы позицияға арнайы тест бойынша таңдалдым.

 4. Жұмысыңыздың қандай артықшылықтар мен кемшіліктері бар?

Жұмыста мені қанағаттандыратыны - бұл ауысым кестесі. Бұл маған демалыс күндері өзін-өзі дамытумен айналысуға мүмкіндік береді. Сондай-ақ, маған жұмыста әртүрлі адамдармен сөйлескен ұнайды.

Ал егер кемшіліктер туралы айтатын болсақ, онда бұл, ең алдымен, ұйқының тұрақты болмауы. Менің жұмысым бір тәуліктік болғандықтан, түні бойы сергек болу мен үшін ең қиыны болып табылады. Маған, сонымен қатар, адамдардың күзетшілерге деген көзқарасы ұнамайды: олар бізді өздерінен гөрі төмен деңгейде деп санайды.

 5. Сіздің жұмысыңыздың міндеттері қандай?

Менің міндеттеріме:

- персоналдың өмірі мен денсаулығын қорғау;

- ұрлықтың және басқа да құқыққа қарсы әрекеттердің жолын кесу;

- кеңсе қызметкерлерінің қауіпсіздігін қамтамасыз ету кіреді.

 6. Сіз өз ісіңізді жақсы көресіз бе?

Иә, қазір айналысатын ісімді жақсы көремін.

 7. Сіздің салаңызда қандай қасиеттер бағаланады?

Менің саламда беделділік, қоғамдық қауіпсіздікті қамтамасыз ету жөніндегі іс-шараларға қатысу тәжірибесі және бейнебақылау жүйелерін білу бағаланады.

 8. Enbek.kz оқырмандарына қандай кеңес бересіз?

Enbek.kz оқырмандарына жұмысқа орналасу порталында тіркеліп, жұмыс іздеуде сабырлылық танытуға кеңес беремін. Кейде сіз өтінім бергеннен кейін сіздің кандидатураңызды бекіту үшін уақыт қажет. Біраз уақыттан кейін сізді жұмысқа шақыруы мүмкін, сондықтан сабырлы болыңыз және сүйікті ісіңізбен айналысуды бастаңыз!