Ұсынылған деректер массивінде қате деректердің белгілі бір саны бар. Мысалы:

• мамандық атауы, оқу нысаны, оқу орны сияқты бір немесе бірнеше параметрлер бойынша толтырылмаған деректер. Нәтижесінде ұсынылған деректер рейтингті қалыптастыру үшін практикалық құндылыққа ие болған жоқ және алынып тасталды.
• аты-жөні, ЖСН, жасы, туған күні қате, толық емес немесе мүлдем толтырылмаған. Мысалы, 2017 жылғы Қазақ агротехникалық университетінің түлектері арасында «5B080600 Аграрлық техника және технология" мамандығы бойынша «Jon Snow» деген тұлға кездесесті. Берілген мәліметтер бойынша бітірушінің зейнетақы жарналарын қадалауға мүмкін емес болғандықтан, нәтижесінде бұл мәліметтер алып тасталды. Атап кететін жай, ЕРДО мүмкіндігінше «ТӨҰ» ААЖ -да толық емес жеке деректері бар бітірушілерді іздестірумен айналысып, соның салдарынан жеке жазбаларды қалпына келтіріп, әрі қарай талдау үшін сақтап қалғанын атап өту қажет.
• жеке мәліметтері бірдей түлектер бойынша қайталанатын деректер, яғни түпнұсқа мәліметтерді сақтап қалу үшін екі, үш немесе одан да көп рет қайталанған жазбалар алынып тасталған.
• «ТӨҰ» ААЖ-мен қатар Қазақстан Республикасы Әділет министрлігінің жеке тұлғалардың мемлекеттік дерекқорынан табылмаған бітірушілер туралы деректер де алынып тасталды.

Қате деректерді тазалау нәтижесінде жоғары оқу орындарының 10 274 түлегі және колледждердің 9 949 түлегі тізімнен шығарылды.

Осылайша, қателердің коэффициенті ЖОО-ның түлектері үшін (АЖ «ЖБББЖ») 7,9% құрап, колледж түлектері үшін (АЖ «ҰБДҚ») бірнеше аз – 6,4%.

Дербес деректерді одан әрі талдау үшін 2017 жылғы жоғары оқу орындарының түлектер саны 106 203 адам (48,9%-ы бастапқы санынан) және 2016 жылғы колледж түлектер саны 63 334 адам (68,8%-ы бастапқы санынан) құрады.

Тазалаудың сипатталған кезеңінің нәтижесінде рейтингті одан әрі қалыптастыру үшін пайдаланылған 2015-2017 жылдардағы бітірушілердің жалпы саны жоғары оқу орындарының түлектері үшін 187 585 адамға дейін (бастапқы санның 40,6%) және колледж түлектері үшін 304 901 адамға (бастапқы санның 68,8%) дейін қысқарды.

Сонымен қатар, рейтингті одан әрі талдау және қалыптастыру үшін бастапқыда ұсынылған 111 ЖОО тізімінен жеткілікті деректер бар 101 ЖОО қалды. Толық деректер болмағандықтан 10 ЖОО қарастырылмады:

• Атырау мұнай және газ институты,
• Д. А. Қонаев атындағы Еуразиялық Заң Академиясы,
• Еуразия Технологиялық Университеті,
• Қазақ ұлттық хореография академиясы,
• Л. Б. Гончаров атындағы Қазақ автомобиль-жол институты,
• Абылай хан атындағы Қазақ халықаралық қатынастар және әлем тілдері университеті,
• М. Дулатов атындағы Қостанай инженерлік-экономикалық университеті,
• Х. А. Ясави атындағы Халықаралық қазақ-түрік университеті,
• Шет тілдер және іскерлік карьера университеті,
• Оңтүстік Қазақстан педагогикалық университеті.

Бастапқыда ұсынылған 795 колледж тізімінен ең алдымен рейтингті қалыптастыру кезінде өз қызметін тоқтатқан 16 колледж алынып тасталды, содан кейін тазалау кезеңінен кейін толыққанды деректердің жеткіліксіздігінен тағы 13 колледж алынып тасталды. Нәтижесінде рейтингке 766 колледж кірді.

Рейтинг әзірлеушілері есептеу мен саралау нәтижелеріне бұрмалаушы әсер етуі мүмкін үш шектеуші факторды анықтады.

1. «ТӨҰ» ААЖ ақпарат көзі ретінде қарастырылғандықтан, рейтингте іс жүзінде жұмыспен қамтылған, бірақ зейнетақы жарналары жоқ түлектер ескерілмеген. Нәтижесінде, бейресми жұмыспен қамту түлектердің еңбек нарығындағы жағдайын сипаттайтын нақты көрсеткіштерді төмендетеді.

   Бұл шектеу бейресми жұмыспен қамтудың жоғары деңгейі бар оқу орындары мен өңірлерге әсер етеді. Бұған бірінші кезекте Жамбыл, Батыс Қазақстан, Қостанай, Павлодар, Солтүстік Қазақстан облыстары және Астана қаласы жатады.

   Сонымен қатар, рейтинг объективтілікті сақтайды, өйткені, мысалы, бейресми жұмыспен қамтудың жоғары деңгейі бар солтүстік өңірлер әлі де рейтинг көшбасшысы болып табылады. Рейтинг мәндерін бейресми жұмыспен қамту деңгейіне түзету орынсыз болып табылады.

   Жалпы алғанда, рейтингтің нәтижелері «Оқу орындарының (облыстардың, аудандардың, мамандықтардың, біліктіліктердің) ресми жұмысқа орналасу үшін түлектерді дайындаудағы жетістіктерін объективті бағалау» деп қарастырылуы мүмкін.

2. Ағымдағы жылы әзірленген рейтингтің бірінші нұсқасы кәсіптік білім беру ұйымдарының барлық түлектерінің, соның ішінде колледжден кейінгі ЖОО-да, жоғары білімнен кейінгі білім мамандықтары бойынша білім алуды жалғастыратындарды қоса алғанда, ААО-ға ұсынылған базаға негізделді.

   Осылайша, рейтингтің нақты көрсеткіштері, мысалы, жұмысқа орналасу деңгейі тағы да төмендетілген. Бұл шектеу жоғары оқу орындарының түлектерімен салыстырғанда колледж бітірушілеріне, сондай-ақ жоғары оқу орнынан кейінгі білім алуды жалғастыратын жоғары оқу орындарының түлектеріне (бірінші кезекте Астана және Алматы қалаларында) неғұрлым жоғары дәрежеде әсер етеді.

   Рейтингтің келесі нұсқасын әзірлеу кезінде бұл шектеу алынып тасталады деп жоспарлануда.

3. Сондай-ақ, деректер базасынан елден кеткен түлектер де шығарылмаған. Осы шектеудің рейтинг нәтижелеріне жалпы әсері статистикалық болмашы ретінде бағаланады, алайда жеке алынған оқу орындары үшін (бірінші кезекте Астана және Алматы қалаларындағы ЖОО) нақты көрсеткіштерді төмендетуі мүмкін.

   Рейтингтің келесі нұсқасын әзірлеу кезінде осы шектеуді алып тастау мүмкіндігі пысықталатын болады.