Темірлан, 24 жаста. IT-компаниядағы аккаунт-менеджердің жұмысы туралы

 1. Қысқаша өзім туралы

Менің атым Темірлан, жасым 24-те. Өткен жылы Қазақ-неміс университетін «Маркетинг» мамандығы бойынша бітірдім. Қазір мен IT-компанияда жұмыс істеймін, сонымен қатар киноға түсемін. Менің басты мақсатым мен арманым – сұранысқа ие кәсіби актер болу. Жақында мен Абдель Фифтибаевтың «Пацаны» фильміне түстім, онда басты рөлдердің бірін ойнадым. Фильм келесі жылы шығады.

 2. Жұмысым туралы

Мен аккаунт-менеджер болып, кейде жоба менеджері болып жұмыс істеймін.

 3. Мен бұған қалай келдім

Досым маған қоңырау шалып, IT-компанияда жұмыс істеуді ұсынды.

 4. Жұмыстағы артықшылықтар мен кемшіліктер туралы

Аккаунт-менеджері позициясындағы негізгі артықшылықтар – өте ақылды және зияткер адамдармен жұмыс істейсің және әрқашан жобаларда жаңа нәрсе болады. Кемшіліктерден мен қытымыр клиенттерді айтар едім, әсіресе егер олар 40 жастан асқан және IT-саласынан алыс болса.

 5. Менің міндеттерім

Жұмыста мен компания клиенттеріне жобалардың мәртебесін хабарлауым, құжат айналымын жүргізуім керек, кейде жаңа қызметкерлерді іздеуім керек.

 6. Менің жұмысқа деген көзқарасым туралы

Бір жағынан мен өз жұмысымды жақсы көремін: ол мені тәртіпке келтіреді. Маған бұл жұмыста көптеген қызықты және ақылды адамдармен танысатындығым ұнайды.

 7. Бұл жұмыс үшін маңызды дағдылар туралы

Адалдық, тіл тапқыштық және сабырлылық.

8. Менің Enbek.kz оқырмандарына кеңесім

Ең бастысы – кез-келген жұмысқа жеңіл, позитивті және қызығушылықпен қарау. Сонда жұмыс процесі өте қызықты болып көрінеді. Меніңше, кез-келген компанияда ұжым өте маңызды. Өйткені, сіз жұмыс істейтін адамдар сізге жанама әсер етеді. Сондықтан өзіңізді жанға жайлы адамдармен қоршауға тырысыңыз.