Жұмыспен қамту орталығы арқылы жұмыс тапқандармен сұхбат сериямызды жалғастырамыз. Біздің келесі кейіпкеріміз – Айнаштың хикаясын оқыңыз.
Өзі туралы
Мен – Тұяқова Айнаш. 1982 жылы Семей қаласында туылдым. Екінші топ мүгедегімін. Жоғары білімім бойынша ұстазбын. Қазір мен тігінші болып жұмыс істеймін. Мұғалім болуға денсаулығым жарамайды.
Жұмыссыз қалғаны туралы
Мен үш жыл бойы тігінші болып жұмыс істеп, қаңтар айында қысқартылуға ұшырадым. Содан бері жұмыспен қамту орталық арқылы жұмыс іздеп жүрдім.
Жұмыс орынды қалай тапқаны туралы
Мүгедек болғандықтан мені көп жерлерде жұмысқа алған жоқ. Жұмыспен қамту орталығына барған кезде, қызметкерлері маған көптеген бос жұмыс орындары бар мекен-жайларды берді. Осы жерлерге барып көріңіз деп. Содан кейін, жұмыспен қамту орталығы жолдамасы бойынша жібек тігін цехына келіп, осында мені жұмысқа алды. Қазір осы цехта жұмыс істеп жүрмін.
Тігіншінің міндеттері туралы
Мен өз жұмысымда әртүрлі бұйымдарды тігуге тапсырыстарды орындаймын, бұйымның эскизіне сәйкес кесілген бөлшектердің бар-жоғын тексеремін, бұйымдарға арналған материалдардың сапасын анықтаймын және тігін жабдықтарына қызмет көрсететін.
Айнаштың оқиғасы кез келген адамның жұмыс таба алатынын көрсетеді. Ең бастысы – берілмеу және өз күшіне сену. Ал Enbek.kz сіздің жұмысқа орналасуыңызға көмектесуге дайын!
