Әйгерім Шерәліқызы, 34 жаста, мансабының ортасында өз кәсібін қалай ауыстыруға болады және мемлекеттік жұмыспен қамту қызметі тарапынан тұрақты қолдау мен сүйемелдеу туралы.
Қайырлы күн, құрметті Enbek ЭЕБ құрушылары мен қолданушылары! Мен өзімнің Enbek порталын пайдалану тәжірибем туралы айтып бергім келеді. Менің есімім Әйгерім Шерәліқызы. Менің жасым 34-те, және мен үш баланың анасымын. Білімім бойынша экономика ғылымдарының магистрімін. Нұр-Сұлтан қаласының Еуразия гуманитарлық институтын бітірдім.
Жұмыс өтілім 15 жылға жуық. Еңбек жолын ҚР Білім және ғылым министрлігінің "Ұлттық тестілеу орталығы" РМҚК-да экономист-есепші ретінде бастадым.
Ол жерде 7 жылдан астам уақыт жұмыс істегеннен кейін мен жұмыс орнымды ғана емес, қызметтік саламды да өзгертуді шештім. Мамандығымды ауыстырып, қол жеткізген жетістіктеріммен тоқтап қалмағым келді.
2014 жылы өз еркіммен жұмыстан босатылғаннан кейін Халықты жұмыспен қамту орталығына (бұдан әрі — ХЖҚО) жүгіндім. 3-4 ай шамасында ХЖҚО-мен бірге жұмыс іздедік. Айтпақшы, егер мен қателеспесем, ол кезде Enbek порталы болған жоқ. Жұмыс іздеу барысында мен мемлекеттен жұмысынан айырылу бойынша жәрдемақы алып тұрдым.
2015 жылы ҚР БҒМ "АТО" АҚ кадрлар жөніндегі менеджер болып жұмысқа орналастым. Бұл компанияда шамамен 3 жыл жұмыс істедім. Осы уақыт ішінде кадрлық іс жүргізуде тәжірибе жинадым. Іс жүзінде Еңбек кодексі бойынша білімімді қолдандым, бухгалтерия бойынша білім де маған кадр маманы ретінде қажет болды.
Арнайы кеңселік жұмыста 3 жыл жұмыс істегеннен кейін мен ҚР Білім министрлігінің Баспасөз қызметіне ауысуды шештім. Болмысым бойынша мен өте тез тіл табысатын, тәртіпті және дипломатиялық адаммын. Өзімді журналистика саласында көрсеткім келді.
2020 жылы кәсіби қызмет тұрғысынан бәрімізге қиын болды, мен де ерекше жағдайда емес едім. Маусым айында карантин кезінде қысқартуғаға түсіп қалдым. Халықты жұмыспен қамту орталығына жүгіндім, онда қайтадан жұмыссыз ретінде тіркелдім, мемлекет маған 3-4 айға жуық жәрдемақы төледі. Осы уақыт ішінде мемлекеттік қызметке тест тапсырып, күзде мемлекеттік қызметке конкурстан өттім. Қызметкердің декреттік демалыста болған уақытында ҚР Білім және ғылым министрлігінің Персоналды басқару қызметінде сарапшы ретінде жұмыс істедім.
2021 жылдың сәуірінде мен қызметкердің декреттік демалыстан шығуына байланысты осы лауазымнан босатылдым.
Тағы да Халықты жұмыспен қамту орталығына жұмысқа орналасу үшін жүгіндім. Қазіргі уақытта барлығы онлайн-режимге ауысқандықтан, ХЖҚО қызметкерлерінің өздері байланысқа шығып, маған Enbek порталында бос жұмыс орындарын іздеуді ұсынды.
Play Market арқылы Enbek тұғырнамасын жүктеп, порталға тіркелдім. Маған бұл тұғырнама ұнады, өйткені мұнда жұмыс іздеу кезінде көп уақытты қажет ететін жалған жұмыс берушілер, желілік нарықтар жоқ.
Порталда Қазақстанның барлық мемлекеттік және мемлекеттік емес ұйымдары жинақталған. Сондай-ақ, тұғырнамада бос жұмыс орындары мазмұны бойынша нақты сүзілгені ыңғайлы: жастар практикасы, әлеуметтік жұмыстар және т. б.
Бір аптадан кейін мен Enbek порталынан тапқан жұмысқа шықтым.
ЖШС-не жұмысқа шықтым, онда бір тұлғада бухгалтер және кадр маманы болып табыламын.
Менің 15 жылға жуық кәсіби тәжірибем маған тәжірибе мен кәсібилікті бағалайтын компанияға жұмысқа орналасуға көмектесті.
Мен қазір жұмыс іздеп жүрген немесе өзінің орнын іздеп жүрген адамдарға ешқашан үміт үзіп, торығудың қажеті жоқ деп айтқым келді.
Мемлекет бізге жәрдемақылармен көмектеседі, жұмысқа орналасу үшін мүмкіндіктер табуға көмектеседі және барлық жағдайды жасайды, бұған мысал — Enbek порталы!
ЭЕБ Enbek ұжымына өркендеу, кәсіби өсу және барлық игілік тілеймін!
