"Атырау-Ақпарат" жауапкершілігі шектеулі серіктестігі

2001 жылғы 11 маусымда БАҚ жүйесіндегі қоғамдық-саяси құрылым -  «Атырау-Ақпарат» коммуналдық мемлекеттік  кәсіпорны құрылды. Алғашқы жылы-ақ «Атырау» және «Прикаспийская коммуна» сияқты облыстық газеттер, баспахана,  жеті аудандық газетті біріктірген бұл бірлестік өзінің артықшылығын көрсетті.

         Кейін 2013 жылы 13 ақпанда «Атырау-Ақпарат» жауапкершілігі шектеулі серіктестігі болып  өзгерді. «Атырау-Ақпарат» ЖШС-нің алдында тұрған міндеттер – мемлекеттің саясатын насихаттау, экономикалық және әлеуметтік реформалар жүрісін объективті көрсету, қоғамның бірлігіне қызмет ету.

«Атырау-Ақпарат»  ЖШС кешені Жайықтың жағасында орналасқан. Ол бір-бірімен жалғасқан төрт бөлек үйден тұрады. Баспасөз үйінің жалпы ауқымы - 5900 шаршы метр. Бірінші үйде - «Атырау-Ақпарат»  ЖШС әкімшілігі,  облыстық «Атырау» және «Прикаспийская коммуна» газеттерінің редакциясы орналасқан.  Екінші үйде - аймақтық коммуникация қызметінің  «Жайық-Ақпарат» баспасөз клубы  жұмыс жасайды. Осы жерде журналистердің әр түрлі дәрежедегі қызметкерлермен кездесулері өткізіліп, баспасөз конференциялары, түрлі дөңгелек үстелдер ұйымдастырылады. Баспасөз клубының ашылуы мемлекеттік органдардың басшыларын, саясаткерлер мен кәсіпкерлерді қоғамға өзін-өзі таныту бағытында  үлкен мүмкіндіктер ашты.

Үшінші үйде - полиграфиялық құрал-жабдықтары мен баспахана ұжымы орын тепті. Баспахананың құрал-жабдықтары үш қабатқа орналасқан. Бұл құрал-жабдықтар баспаханаға полиграфия өндірісінің үш негізгі бағытын игеруге мүмкіндік жасайды. Біріншіден, екі және көп бояулы газет шығару. Екіншіден, кітап өндірісі мен бланкі өнімін кең көлемде шығару. Үшіншіден, түрлі түсті кітапшалар, жарнамалық буклеттер, открыткалар  мен шақырулар шығару. Сонымен қатар, 2019 жылдың қазан айынан бастап баннер шығарумен және  желтоқсаннан айынан бері сыртқы жарнамамен айналысуда. 7 аудандық, 2 облыстық және «atpress.kz» сайттары жұмыс жасайды.

Қызметкерлер саны: 190