Жұмыс берушінің қызметін декларациялау
Қазақстан Республикасының Еңбек Кодексінің 1-бабына сәйкес жұмыс берушінің қызметін декларациялау – жұмыс берушінің қызметін ол берген өтініш негізінде Қазақстан Республикасы еңбек заңнамасының талаптарына сәйкес келеді деп тану рәсімі.
Жұмыс беруші қызметінің Қазақстан Республикасының еңбек заңнамасы талаптарына сәйкестігі немесе сәйкес еместігі туралы шешімді еңбек инспекциясы жөніндегі жергілікті орган қабылдайды.
Қазақстан Республикасының Еңбек Кодексінің 200-бабына сәйкес Қызметі Қазақстан Республикасы еңбек заңнамасының талаптарына сәйкес келеді деп танылған жұмыс берушілерге үш жыл мерзімге Сенім сертификаты табыс етіледі.
Жұмыс беруші – Сенім сертификатының иегеріне қатысты еңбек инспекциясы жөніндегі жергілікті орган бару арқылы профилактикалық бақылау жүргізбейді.
Enbek.kz-тегі жеке кабинетінде жұмыс беруші:
- жұмыскерлердің еңбек құқықтарының сақталуы бойынша кәсіпорынның қызметі туралы өтінім-декларация толтырады;
- декларацияны еңбек инспекциясы жөніндегі жергілікті органға жібереді;
- қабылданған шешімнің нәтижесін алады.
ҚҰҚЫҚТЫҚ НЕГІЗ
- Қазақстан Республикасының Еңбек Кодексі
- Жұмыс берушінің қызметін декларациялау қағидалары (Қазақстан Республикасы Денсаулық сақтау және әлеуметтік даму министрінің 2015 жылғы 30 қарашадағы № 909 бұйрығы)