Бастапқы бизнесті дамытуға арналған грант
Грант жаңа бизнес-идеяларды іске асыру және бастапқы бизнесті дамыту үшін өтеусіз негізде беріледі.
Мемлекеттік тіркеу мерзімі үш жылдан кем емес дара кәсіпкерлер және тіркелген жұмыссыздар грант алуға үміткер бола алады.
Грант алушы келесі әлеуметтік топтардың біріне жатуы керек:
- көп балалы тұлғалар-көп балалы жәрдемақы алушылар (жұбайы)
- қоныс аударушылар және олардың еңбекке қабілетті отбасы мүшелері
- мүгедектігі бар баланы тәрбиелеушілерге берілетін жәрдемақы алатын адамдар (жұбайы)
- аз қамтылған адамдар-атаулы әлеуметтік көмек алушылар және олардың отбасы мүшелері
- асыраушысынан айрылу жағдайы бойынша әлеуметтік жәрдемақы алушылар
- кандас мәртебесі бар адамдар
- мүгедектігі бар адамдар
Грант көлемі 400 айлық есептік көрсеткішке дейін (АЕК) құрайды.
Тоқсан сайын он екі ай ішінде грант алушы растайтын құжаттарды ұсыну арқылы нысаналы пайдаланылуын растайды.
Грант алу шарттарымен Business.Enbek.kz порталында танысуға және өтінім беруге болады
ҚҰҚЫҚТЫҚ НЕГІЗ
- Казақстан Республикасының Әлеуметтік кодексі
- Кәсіпкерлік бастамаға жәрдемдесу жөніндегі шараларды ұйымдастыру және қаржыландыру қағидалары (Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 30 маусымдағы № 272 бұйрығы)