Лайықты бос жұмыс орындарын іздеу және жұмысқа орналасуға жәрдемдесу
Мансап орталықтары және Enbek.kz порталы сізге қолайлы жұмысты таңдауға көмектеседі.
Мансап орталықтары жұмысқа орналасуға жәрдемдеседі:
1) мансап орталықтарының дерекқорында бар бос жұмыс орындарына
2) Enbek.kz. порталында жұмыс берушілер орналастырған бос жұмыс орындарына
3) мемлекет субсидиялайтын уақытша жұмыс орындарына: қоғамдық жұмыстар, әлеуметтік жұмыс орны, жастар практикасы, алғашқы жұмыс орны, ұрпақтар келісімшарты, күміс жас.
Бос жұмыс орындарына кандидаттарды іріктеуді мансап орталығы кәсіпті (лауазымды), оның біліктілік деңгейін, жұмыс тәжірибесі мен дағдыларын, қалаған жалақы мөлшерін, жұмыс уақытының режимін ескере отырып, сондай-ақ жұмыс берушілер белгілеген басқа да талаптарға сәйкес жүзеге асырады.
ҚҰҚЫҚТЫҚ НЕГІЗ
- Казақстан Республикасының Әлеуметтік кодексі
- Жұмыс іздеп жүрген адамдарды, жұмыссыздарды тіркеу және мансап орталықтары көрсететін еңбек делдалдығын жүзеге асыру қағидалары (Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 9 маусымдағы № 214 бұйрығы)