2020 жылдың 3 тоқсанындағы Қазақстандағы білікті еңбекке сұраныс пен ұсынысты талдау

ЭЕБ-да орналастырылған бос жұмыс орындары мен түйіндемелердің жалпы саны 2020 жылдың үшінші тоқсанында 2020 жылдың екінші тоқсанымен салыстырғанда тиісінше 12,2% - ға және 20,2% - ға өсіп, 176 мың бос жұмыс орны мен 123,1 мың түйіндемені құрады. Карантиннің енгізілуіне байланысты шілде айында сұраныс пен ұсыныстың төмендеуі орын алды, бірақ тамыз айында карантиндік шаралар кезең-кезеңімен жеңілдегеннен кейін бос жұмыс орындары мен түйіндемелер санының өсу үрдісі байқалады.

Кәсіби топтар тұрғысынан ең белсенді топ - бұл сұранысы ұсынысына сәйкес келетін кәсіпқой мамандар. ЭЕБ-да өнеркәсіп, құрылыс, көлік және басқа да ұқсас жұмыс орындары үшін 40 мыңнан астам бос жұмыс орны орналастырылды. Бұл топқа деген сұраныс, ең алдымен, "Жұмыспен қамтудың жол картасы" бағдарламасын жүзеге асырумен байланысты. Бұл ретте жол жұмысшысы мамандығы 2020

жылдың екінші тоқсанындағы сияқты, үшінші тоқсанда да республика бойынша 4,8 мың адам тапшылығы бар тапшы кәсіптердің қатарында орналасқан.

Нұр-Сұлтан, Алматы қалаларында және Қарағанды және Қостанай облыстары сияқты солтүстік өңірлерде жұмыс берушілер ЭЕБ ресурсында бос жұмыс орындарын белсенді орналастырғанын атап өткен жөн. Аталған өңірлерде 2020 жылдың үшінші тоқсанында республика бойынша барлық бос орындардың 45% - ы орналастырылды. Сол кезеңде ізденушілер түйіндемелерді Нұр-Сұлтан қаласында және батыс өңірлерде – Маңғыстау және Атырау облыстарында неғұрлым белсенді орналастырды. Сонымен қатар, Атырау облысында 100 бос жұмыс орнына 220 түйіндеме, Маңғыстау облысында – 142 түйіндеме орналастырылды. Сондай-ақ, Қызылорда және Түркістан облыстарында түйіндемелер санының бос жұмыс орындарынан басым болуы байқалды.

Қиындықтар туындады ма?

Бізге техникалық қолдау қызметіне хабарласыңыз, солай біз мәселеңізді шеше аламыз.