2020 жылғы 1 тоқсандағы Қазақстан Республикасы халқының табысын талдау

Бірінші тоқсанда Қазақстанда халық табысының өсуі баяулады.

2020 жылғы 1 тоқсанда Қазақстан Республикасы халқының орташа жан басына шаққандағы табысы 2019 жылғы 1-тоқсанның көрсеткіштерімен салыстырғанда 7,4% - ға өсті, ал инфляцияның қалыптасқан деңгейін ескере отырып, нақты мәнде табыстар 1,4% - ға өсті.

Табыстың ең көп үлесін жалдау бойынша жұмыстан түскен табыстар – 60% – ға жуық, екінші орында әлеуметтік трансферттерден түскен табыстар - 28% - ға жуық құрайды. Өткен жылдан бастап мемлекет халықты әлеуметтік қолдау шараларын күшейтумен байланысты әлеуметтік трансферттер үлесінің өсуін атап өткен жөн.

2020 жылғы 1 тоқсанда республика бойынша жалдамалы жұмыстан түскен табыс ақшалай баламада жан басына шаққанда 105 мың теңгені құрады. Халықтың табысына елдегі енгізілген төтенше жағдай және коронавирус пандемиясына байланысты карантиндік шаралар теріс әсер еткенін атап өту қажет.

Жан басына шаққандағы ең жоғары орташа табыспен Нұр-Сұлтан қаласы мен Алматы қаласы, сондай-ақ өнеркәсіптік дамыған өңір ретінде Қарағанды облысы және мұнай өндіруші кәсіпорындар орналасқан Маңғыстау облысы ерекшеленеді. Ең төменгі табысты көбінесе оңтүстік ауыл шаруашылығы өңірлерінің тұрғындары алады. Жалпы республика бойынша халықтың табысы 2019 жылдың 1 тоқсанымен салыстырғанда барлық өңірлерде дерлік өсті.

Өңірлердегі табыстардың құрылымы, табыстардың серпіні және жалпы республикалық үрдістер бойынша неғұрлым толық ақпарат Еңбек ресурстарын дамыту орталығы дайындаған "Қазақстан Республикасы халқының 2020 жылғы 1 тоқсандағы табысын талдау" ақпараттық-талдамалық материалында ұсынылған.