Александр Хан, 41 жаста. Сату бөлімінде менеджердің жұмысы және болашақ жоспарлары туралы

1. Өзіңіз туралы айтып берсеңіз

Менің аты-жөнім Александр Хан, жасым 41-де. Алматыданмын. Даяшы, бармен, менеджер, күзет қызметкері және сауда өкілі болып істеп көрдім.

2. Кім болып жұмыс істейсіз?

Мен кондиционерлеу, желдету және жылыту жүйелерін орнатумен айналысатын компанияда сату бөлімінің менеджері болып жұмыс істеймін.

3. Қазір істеп жатқан ісіңізге қалай келдіңіз?

Мен жүктерді жеткізу саласында жұмыс істеп жүрген едім. Хабарландыруды көріп, неғұрлым қызықтырақ нәрсемен айналысуды шештім. Бұрын менде біраз кеңсе жұмысында тәжірибем болған.

4. Жұмысыңыздың қандай артықшылықтар мен кемшіліктері бар?

Мен үшін менің жұмысымда кемшіліктер жоқ. Ал артықшылықтардың ішінде мен жылы жерде қызықты жұмысты және клиенттермен белсенді қарым-қатынасты атап өтер едім.

5. Сіздің жұмысыңыздың міндеттері қандай?

Менің негізгі міндеттерім - компанияның қызметтерін жарнамалау және сату, клиенттермен келіссөздер жүргізу және жаңа клиенттерді табу.

6. Сіз өз ісіңізді жақсы көресіз бе?

Ия, мен өз ісімді өте жақсы көремін. Дегенмен болашақта мен одан да перспективалы салада білім алғым келеді. Қазір өзімді кәсіби маман ретінде қайдан көретінімді айта алмаймын.

7. Сіздің салаңызда қандай дағдылар бағаланады?

Менің саламда көпшіл, өршіл, тәртіпті және еңбекқор болу, сонымен қатар психолог болу және адамдармен ортақ тіл таба білу маңызды.

8. Enbek.kz оқырмандарына қандай кеңес бересіз?

Өзіңізге және табыстылығыңызға сеніңіз. Күнделікті өз-өзіңізбен жұмыс жасаңыз және ешқашан берілмеңіз. Ең бастысы, шыдамдылық танытсаңыз, сіз өз мақсаттарыңызға жетесіз.