2023 жылға арналған электрондық еңбек биржасындағы бос жұмыс орындарының қысқа мерзімді болжамы

Базалық сценарийдегі болжам аясында Электрондық еңбек биржасында 2023 жылы жарияланған бос жұмыс орындарының жалпы саны 2023 жылдың I тоқсанында орналастырылған 220 мың бос жұмыс орнын қоса алғанда 1 млн 103 мың бірлікті құрайды деп күтілуде. Бұл ретте оптимистік сценарий бойынша 2023 жылы бос жұмыс орындарының жалпы саны 1 млн 165 мың бірлікті, пессимистік сценарий бойынша – 1 млн 44 мың бірлікті құрайды. Осылайша, бос жұмыс орындарының саны 2022 жылмен салыстырғанда 97% - дан 108% - ға дейін болады.

Бірінші тоқсанды есепке алмағанда, жыл соңына дейін базалық сценарийдегі 883 мың бірлікті санағанда 824-тен 944 мыңға дейін бос жұмыс орны орналастырылады деп күтілуде. III және IV тоқсанда жарияланатын бос жұмыс орындарының саны 2023 жылдың бірінші тоқсанымен салыстырғанда III тоқсанда 28-46%-ға және бірінші тоқсанмен салыстырғанда IV тоқсанда 45-64%-ға өседі деп күтілуде.

Өңірлік тұрғыдан қарастырғанда Астана және Алматы қалаларында (сценарийге байланысты Қазақстан бойынша бос жұмыс орындарының жалпы санының 10-12% -ы), сондай-ақ Қостанай (10%) және Қарағанды (8%) облыстарында тіркелген ұйымдар мен кәсіпкерлерден бос жұмыс орындарының ең көп саны күтіледі, бұл аймақтарға жалпы алғанда 403-тен 479 мыңға дейін немесе олардың жалпы санынан 38-ден 40% -на дейін бос жұмыс орны келеді.

Бос жұмыс орындарының ең аз саны Ұлытау облысында (15,8-ден 16,6 мыңға дейін), Абай (19,5-тен 21,8 мыңға дейін), Маңғыстау облысында (27,2-ден 30,1 мыңға дейін) және Жетісу облысында (28,7-ден 30,7 мыңға дейін) күтілуде. Бұл өңірлердің үлесі орналастырылған бос жұмыс орындарының жалпы санының шамамен 8,6% ғана құрайтын болады.

Кәсіби тұрғыдан алғанда, ең үлкен сұраныс біліктілігі жоқ жұмысшылар тобы арасында күтілуде, олар үшін орналастырылған бос жұмыс орындарының саны жыл нәтижелері бойынша 276-дан 319 мыңға дейін күтіледі, бұл бірінші кезекте осы санаттағы персоналдың жоғары тұрақсыздығымен байланысты. Осылайша, бұл топтың үлесіне кадрларға деген жалпы сұраныстың 25-тен 29%-ға дейінгісі келеді, бұл өткен жылдардағы көрсеткіштермен салыстырғанда айтарлықтай төмен (2021-2022 жж. 30% және 2020 жылы 35%). Өңірлік тұрғыдан қарастырғанда мұндай жұмысшыларға ең үлкен қажеттілік Түркістан облысында күтіледі, онда олардың базалық сценарийдегі бос жұмыс орындарының жалпы санындағы үлесі 54% - дан астамын құрайды, сондай-ақ Жамбыл (45%), Қызылорда (42%), Ақтөбе (40%) облыстарында болады. Керісінше, осы топқа тиесілі бос жұмыс орындарының ең аз үлесі Атырау (15%), Ақмола (16%) және Шығыс Қазақстан облыстарында (18%), сондай-ақ Астана қаласында (18%) күтіледі.

Көлемі бойынша екінші тұрған мамандықтардың үлкен тобы – кәсіби мамандар санаты болып табылады, олар бойынша бос жұмыс орындарының саны 240-252 мың бірлік шегінде күтілуде, бұл жалпы күтілетін санның шамамен 22-23%-ын құрайды. Бұл көрсеткіш тұрақты өсу үрдісіне ие (17% - 2020 жылы, 19% - 2021 жылы, 20% - 2022 жылы). Өңірлік тұрғыда осы санаттағы қызметкерлерге қажеттіліктің неғұрлым жоғары үлесі Атырау облысы мен Жетісу облысында (әрқайсысы 31%-дан), Алматы (29%), Ақмола облыстарында, сондай-ақ Абай және Жетісу облыстарында (әрқайсысы 27%-дан) күтіледі. Бос жұмыс орындарының жалпы санынан кәсіби мамандарға арналған бос орындардың ең аз үлесі Түркістан (14%), Қызылорда (15%), Павлодар және Ақтөбе (16%) облыстарында күтілуде.