От жағушы қызметшісі
ҚЫЗМЕТТІК МІНДЕТІ
1.ЖАЛПЫ БӨЛІМ
1. Мекеме басшысының бұйрығымен жұмысқа қабылданады және босатылады.
2.Тікелей мекеме басшысына бағынады.
2.ҚЫЗМЕТКЕРДІҢ МІНДЕТТЕРІ
Ұйымның бірінші басшысының жалпы басшылығымен және басқа бөлімшелер мен қызметтердің өзара байланыста өз міндеттерін орындайды. Бекітілген кестеге сәйкес мекемені үздіксіз жылумен қамтуды, жабдықтың қауіпсіз жұмысын, техникалық пайдалану ережелері талаптарының сақталуын, еңбекті қорғау мен өрт қауіпсіздігі ережелерін қамтамасыз етеді. Бу қазандығы жабдығының сенімді жұмысын арттыру, жылу қуатын жоғалтуды төмендету, отын ресурстарды ұтымды пайдалану, жөндеу кезеңінде жабдықтың тоқтап қалуын қысқарту, оны мезгілді жағдайларды ескере отырып жұмысқа дайындау бойынша ұйымдастырушылық-техникалық іс-шараларды әзірлеу мен ендіруді ұйымдастырады. Реконструкцияның техникалық жобасын қарауға, жаңа жабдықты іске қосу алдында эксперименталды жұмыстар мен сынақтарды жүргізуге, жабдықты күрделі жөндеуден және монтаждан кейін қабылдауға, сонымен қатар бу қазандығы жабдығының жұмысында тоқтап қалу, апат, өндірістік жарақат себептерін тергеу бойынша комиссияның жұмысына қатысады. Бу қазандықтары орны жұмысының ағымдағы және келешектегі көлемдерін анықтайды. Материалдық құндылықтардың сақталуын және ұтымды пайдалануын бақылайды. Жабдықтың жұмыс есебі мен талдауды ұйымдастырады, бу қазандықтары қызметінің нәтижелері туралы есептің уақытылы дайындалуын қамтамасыз етеді. Бу қазандықтары орны мамандарының біліктілігін арттыру бойынша жұмысқа, аттестациялық комиссия жұмысына, мамандардың апатқа қарсы және өртке қарсы жаттығуларын ұйымдастыру мен жүргізуге қатысады.
Білуге тиіс. Мекеменің тұтынушыларды жылумен қамтуға, бу қазандығы орны жабдығының қауіпсіз жұмысына, бу қазандығы орнының өндірістік-шаруашылық қызметін ұйымдастыруға қатысты заңдары және өзге де нормативтік құқықтық актілері, электр және жылу станциялары мен желілерін техникалық пайдалану ережелері, бу қазандығы орны жабдығының техникалық сипаттамасы, жылу қуатын өндірудің және тұтынушылардың жылумен қамтудың технологиялық процессі, бу қазандығы орнының электрлік және технологиялық схемасы, жылу-, бу- және су құбыры мен сыртқы жылу желілері схемалары, отынмен жабдықтау кестесі, релелік қорғау жұмысының принциптік кестесі мен қағидалары, автоматтандыру және реттейтін құралдарды, бақылау-өлшеу құралдары, дабыл мен байланыс құралдарының кестесі, қоршаған ортаны қорғау талаптары, энергетикалық өндірісте жұмыс істейтін мамандармен жұмысты ұйымдастыру, өндірістегі жазатайым оқиғаларды, жылу желілерінің, энергожүйелерінің және энергобірлестіктер жұмысында бұзушылықтарды тергеу мен есепке алу бойынша ережелер, бу қазандығы орны жабдығын пайдалану мен жылумен жабдықтау аясында отандық және шетелдік озық тәжірибе, экономика, еңбекті ғылыми ұйымдастыру, өндіріс пен басқару негіздері, еңбек заңнамасы, өндірістік санитария ережелері, өрт қауіпсіздігінің талаптары.
Біліктілікке қойылатын талаптар. Тиiстi мамандық (біліктілік) бойынша орта техникалық және кәсiптік (орта арнайы, орта кәсiптік) бiлiм және мамандығы бойынша жұмыс стажы кемінде 1 жыл болуы тиіс.
3.ЖАУАПКЕРШІЛІГІ
1.Жоғарғыда корсетілген өзінің қызметтік міндеттерін толық орындамаған жағдайда ҚР еңбек кодексіне сәйкес жауап беруге.
2.Мекемеге материалдық шығын келтірген жағдайда ҚР заңнамаларына сәйкес жауап беруге.
4.ҚҰҚЫҒЫ
Өз құзырындағы құжаттарға қол қоюға,оларды орындауға.
- шуға деген төзімділік;
- физикалық күш;
- теңгерім сезімі;
- төзімділік (физикалық);
- аллергия болмауы;
- ыстыққа төзімділік;
- иістерге төзімділік;
- суыққа төзімділік;
