Жұмысқа орналасуға жәрдемдесу үшін жұмыссыз адам қайда бара алады

 

ҚР-ның «Халықты жұмыспен қамту туралы» Заңына сәйкес, жұмыс тапқысы келетiн жұмыссыз азаматтар уәкiлеттi органға және жеке жұмыспен қамту агенттiгiне жұмысқа орналасуына жәрдемдесу туралы өтiнiш жасай алады. Жұмыс іздеп келген жұмыссыз азаматтарды тіркеу үшін мына құжаттар қажет: жеке куәлігі (төлқұжаты), әлеуметтік жеке код (ЭЖК) тағайындалғандығы туралы куәлік, еңбек қызметін куәләндыратын құжаттар, салық төлеушінің тіркеу нөмірі (СТТН). Шетелдiктер мен азаматтығы жоқ адамдар, бұларға қоса шетелдiктiң ықтиярхатын және азаматтығы жоқ адам тұрғылықты жерi бойынша тiркелгендiгi туралы белгi соғылған куәлiгiн табыс етедi. Құжаттар табыс етiлген күннен бастап он күнтiзбелiк күннен кешiктiрмей, уәкiлеттi орган мен жеке жұмыспен қамту агенттiгi нысанын орталық атқарушы орган бекiтетiн дербес есеп карточкасына (деректердiң компьютерлiк базасы) мәлiметтер енгiзу арқылы азаматтарды тiркейдi. Жұмыс iздестiрiп жүрген жұмыссыз азаматтар тұрғылықты жерi бойынша уәкiлеттi органда тiркеледi. Бұл ретте олар күнтiзбелiк он күн iшiнде кемiнде бiр рет уәкiлеттi органда, ал селолық елдi мекендерде тұратын жұмыссыздар айына кемiнде бiр рет поселке, ауыл (село), ауылдық (селолық) округ әкiмiнде белгiленуге тиiс. Уәкiлеттi орган жұмыс iздестiруге өтiнiш жасаған азаматтар мен жұмыссыздардың аймақтық деректер базасын түзедi.

28.01.2013 974 қолданушы көрді