Әңгімелесуде өзіңізді қалай ұстауыңыз керек?

 

Осы заманда жастар, тіпті олардан үлкендері де, бірінші әрекеттен-ақ өмір бойына жақсы жұмыс тауып алуға үміттенеді. Ал сол жұмысқа қоятын талаптарымызды айтсаңызшы: жұмысымыз бір уақытта қызықты, беделді, жалақысы жоғары және бастыққа дейін көтерілу мүмкіндігі болуы керек.

Көп кезде сол арманымыз арман күйінде қалып кетеді, алайда қалаған жұмысыңыз табылса және телефоннан әңгімелесуде сізбен қызығып, жеке әңгімелесуге шақырған болса, сол жұмысты алу үшін қолыңыздан келгеннің барлығын жасайсыз. Сондықтан бүгін сол жеке әңгімелесуде өзіңізді қалай ұстауыңыз керектігі туралы әңгімелесеміз.

Жұмыс берушімен кездесуге баратын кезде, біз ойымызда сол кездесудің сценариін бірнеше рет айналдырып өтеміз, алайда кадр бойынша менеджерге өзіңізді жарнамалау кезінде қолымыздың не істейтіні, аяғымыздың қайда тұратыны туралы ойымызға кіріп те шықпайды. Анкетаны сауатты толтырып, жалынды сөз сөйлесеңіз болғаны жұмыс беруші сол жұмысты сізден басқа адам атқара алмайтынына сендіремін деп ойласыз, қол мен аяқтың әңгімелесуге қандай қатысы бар, ең бастысы тіліңізбен қатырсаңыз болғаны деге ойыңыз да бар... Бұл ойыңыз бекер!

Көптеген сұхбаттар шамамен он бес – жиырма минут уақыт алады, алайда алғашқы 3-6 минуты шешуші болады. Талапкер туралы пікір 70% жағдайларда ол аузын ашып, бірінші сөзін сөйлемей-ақ пайда болады. Таң қалдыратыны, бұл пікір сіз толтырған анкетаны әңгімелесуді жүргізіп отырған адам оқымай тұрып-ақ пайда болады және ең негізгісі болып қалыптасады.

Бірнеше жалпы ұсыныстарды қарап шығайық:

Кездесуге киінер алдында, қатал стилді таңдағаныңыз дұрыс болар, есіңізде болсын, киіміңіздің түсі сіз туралы пікірге тікелей әсерін тигізеді.

Шашыңыздың сәні де маңызды, мысалы, шашыңызды жайып немесе түйіп алып барсаңыз, сізді салақ адам деп ойлап қалуы мүмкін.

Адаммен бетпе бет сөйлескенде белгілер үлкен мәнге ие болады, олар қимыл мен мимика көмегімен жүзеге асырылады. Әңгімелесушінің жүзіне қарап тұрып, микро сезімдерін, жеңіл бұлшық ойындарын, көздің кішігірім қозғалысын қабылдап отырамыз. Сіз өзіңіз сезбей көптеген белгілерді беріп отырасыз да, басқалардан келіп түскен тоқтаусыз белгілерді қабылдап отырасыз. Қимыл тілін өзіңіздің серіктесіңіз етіңіз, жау түрінде ол сізге қажеті жоқ.

1. Әңгімелесуді жүргізуші адаммен кездескенде жымиыңыз және оның көз қарасын абыржусыз қабылдаңыз, оның сізге қол созуын күтіңіз де, оның қолын алып амандасыңыз, бұл сіздің ынтымақтастыққа дайын екеніңіздің белгісі.

2. Егер сізге таңдау берілсе, онда әңгімелесушіге қарама-қарсы емес, оның жанына отыруға тырысыңыз. Сізден потенциалды пікірлесті көруге мүмкіндік береді. Бір-бірінің қасында отырған адамдар, қарама-қарсы отырған адамдарға қарағанда әлде қайда тез бірігеді.

3. Еркін отырыңыз, қолыңызды да ыңғайлы қойыңыз, алайда жалпиып немесе алға қарай қатты еңкейіп отырмаңыз. Егер орындығыңыздың артына шалқайып отырсаңыз, астамдықты білдіруі мүмкін, әсіресе ол кезде сіз әңгімелесушінің көзіне қарап отырсаңыз дәл солай көрінеді. Сонымен бірге қорғаныш кейіптен де аулақ болыңыз, қолыңызды алдыңызға айқастырып алып, тізеңізді құшақтамай отырыңыз.

4. НЛБ техникасының көмегімен, оған тиесілі қимыл тілімен және дыбыс ырғағымен әңгімелесушіні әлде қайда қабылдағыш ете аласыз және өзара түсінушілікке қол жеткізесіз. Алайда қимылдарды әдейі қайталау тек жағымды және конструктивті белгілерге ғана қолдану керек.

5. Әңгімелесуді өткізіп отырған адамға ашық және адал көзбен қарап отырыңыз, тізіліп қарап, «көзбен жеуден» алақ болғаныңыз дұрыс болар. Есіңізде сақтаңыз, жан-жаққа атып қарап отыру, қулық пен сенімсіздіктің белгісін білдіреді!

6. Әңгімелесу кезінде бір қателік жіберіп алсаңыз, оған көп мәән бермегеніңіз жөн, қайта-қайта кешірім сұрап, ақталуыңыздың қажеті жоқ, сеніміңізді жоғалтып алмаңыз.

7. Табыс жағдайын қалыптастырыңыз, жұмыс берушіні сізді жұмысқа алуы өзіне қажетті екеніне сендіріңіз. Сіздің мақсатыңыз – оның өз табысын көруіне көмектесу.

Есіңізде болсын, негізделген логикалық аргументтер өздігінен жол тауып кетуі өте сирек кездеседі, әсіресе олар ең алдымен сіздің қимыл тіліңізбен және басқа да әрекеттеріңізбен қарама-қайшы келген кезде. Өзгелерді сендіру үшін, өзіңіз сенімді ұстауыңыз керек. Бұл белгілі бір нәтижеге жету үшін сөз бен қимыл тілі арасында үйлесімділікті барынша қамтамасыз етуіңіз керек.

Негізі: www.shkolazhizni.ru

28.01.2013 1283 қолданушы көрді