Дұрыс түйіндеме немесе қалаған жұмысыңызды қалай алуға болады

 

Түйіндеме не үшін қажет? Жақсы түйіндеме жұмыс іздеудің ең тиімді құралдарының бірі. Бірақ, үш маңызды сәтті есте ұстаңыз: Түйіндеме көмегімен жетістікке жетудің жалғыз мүмкіндігі ол – түйіндемені алғаш рет оқыған кезі. Әдетте, түйіндемені қарап шығу үшін 2-3 минуттан көп уақыт бөлінбейді. Егерде адамның назарын өзіне аударта алмаса, онда түйіндеме іске аспады.

Түйіндеме жазған кезде таңдау қағидасын ұстаныңыз. Түйіндеме үшін ақпаратты мақсаттарына қарай іріктеу керек. Басқаша айтар болсақ, түйіндемеге тәжірибеңіздің, Сіз өзіңіз үміткер болып отырған қызмет үшін маңыздылығы бар, аспектілерінің сипаттамасын ғана қосыңыз. Мысалы, егерде Сіз ғылыми жұмыспен және сол бір мезетте кеңес берумен айналысқан болсаңыз, коммерциялық саладағы жұмысқа тұру үшін бағытталған түйіндемеде өзіңіздің ғылыми жетістіктеріңізді баяндап, өзіңіздің ғылыми жұмыстарыңыздың тізімін келтірудің қажеті жоқ, ең дұрысы, консультациялық қызмет процесінде алған нақты біліміңіз бен дағдыларыңызды жазыңыз. Табысты түйіндеме интервью үшін себеп болуы мүмкін, яғни, жұмыс берушімен немесе оның өкілімен жеке кездесуге себеп, бірақ бұл жұмысты алатындығыңызға кепілдік бермейді. Сіздің мақсатыңыз – түйіндемеңізді оқып жатқан адам Сізбен жеке кездесуді қалағандығына қол жеткізу.
Түйіндемеде не туралы жазған жөн?

Түйіндеме мынадай келесі блоктардан тұрады: Сіздің атыңыз, мекен-жайыңыз, телефон нөміріңіз (қала кодымен бірге). Мақсат (міндетті емес, бірақ көрсеткен жөн): Сіз қандай лауазымды алуға және неге үміт артып отырғандығыңыз туралы қысқаша сипаттама (6 қатардан көп емес, ең дұрысы 2-3 қатар). Жұмыс тәжірибесі – кері хронологиялық ретпен (ең бірінші соңғы жұмыс орнын көрсетіңіз). Бұл негізгі бөлім.

Жұмысты бастау және аяқтау күндерін, ұйым атауын, лауазым атауын (егерде Сіздің карьераңыз табысты түрде дамыған болса, онда олар бірнше болуы мүмкін) көрсетіңіз, және қысқаша түрде лауазымдық міндеттеріңіз бен өндірістік жетістіктеріңізді, егерде Сізде бар болса, сипаттаңыз. Жетістіктеріңізді сипаттау барысында іс-қимыл етістіктерін пайдаланыңыз, мысалы: дамыттым, үнемдедім, арттырдым немесе қысқарттым.

Білім (оқу орнын бітіргеннен кейін қаншалықты көп уақыт өткен сайын, түйіндемеде бұл тармақ соншалықты аз орын алуы керек; бітірушілер мен студенттер бұл бөлімді алдыңғы бөлімнің алдына қойғандары жөн, себебі олардың жұмыс тәжірибесі болсадағы, ол айтарлықтай маңызды емес. Марапаттаулар туралы хабарлап, Сіздің мақсатыңызға сәйкес келетін оқыған дисциплиналарыңызды баса жазыңыз).

Қосымша ақпарат: шет тілдері мен компьютерді игеру, жүргізуші куәлігінің болуы, кәсіби ұйымдардың мүшесі болу және т.с.с. (әуесіңіз туралы тек ол қалаған жұмысыңызға қатысты болса ғана айту керек). Рекомендация ұсыну мүмкіндігін көрстеу.
Түйіндеме қандай болу керек?

Түйіндемені жазу стильіне қойылатын негізгі талаптар: қысқа; нақты; белсенді (ешқашанда қатыстым, көмек көрсеттім және т.с.с. деп жазбаңаыз. Бұл Сіз бір реттік қызмет көрсеткен деп ойлауға мүмкіндік береді); шындық.

«Мен» деген есімдікті қолданудан сақтаныңыз. Тұжырымдама таңдау кезінде барынша нақты болу керек: - оқумен айналыстым, қатені азайтуға көмектестім, жаңа білімді тез қабылдаймын – деп жазбаңыз; - екі жаңа қызметкерді оқыттым, қатені 15% азайтып, сол арқылы фирма $40 000 үнемдеді, өте қысқа уақыт – екі апта - ішінде жаңа процедураларды игердім – деп жазыңыз.

Көп сөзді болмаңыз, пассивті формадан аулақ болыңыз: - ...орындалуына жауап бердім, ...келесі мүмкіндіктердің қолданылуын іздестірдім, ... үшін жауапты мойныма алдым– деп жазбаңыз; ...орындадым, ...тиімді пайдаландым, ...үшін жауап бердім – деп дазыңыз.

Теріс ақпараттан гөрі оң ақпаратты таңдаңыз: ...деген арыздарын реттедім, сату үлесінің азаюына тосқауыл болдым, ...лауазымынан ауыстым – деп жазбаңыз; клиенттерге ... бойынша көмектестім, өнімнің нарықтағы потенциалын арттырдым, ...лауазымына өстім – деп жазыңыз.

Өз жетістіктеріңізге назар шоғырландырыңыз: сол жерде үш жыл жұмыс істедім, қосымша жұмыс атқардым – деп жазбаңыз; лауазымда жоғарлап, жалақым екі есе артты, жұмысты дәл мерзімінде орындадым – деп жазыңыз.
Түйіндемеде не туралы жазбау керек?

Түйіндемеңізге мыналарды қосудың қажеті жоқ: Өзіңіздің барлық еңбек тарихыңызды. Шындығында, Сіздің потенциалды жұмыс берушіңізді Сіздің соңғы 3-5 жұмыс орныңыз және 10 жылдан аспайтын кезең қызықтырады. Сіздің физикалық деректеріңізді, дене бітіміңізді; Сіздің фотосуретіңізді; Жұмыстардан кету себептері; Жалақыға деген талаптарыңызды; Сізге рекомендация берген адамдардың аты-жөні (бұл тізімді дайындап қойыңыз, сұхбаттасу кезінде керек болуы мүмкін).

Ең соңында түйіндемеңізді мына тармақтар бойынша тексеріңіз:

- Түйіндеме қай тілде жазылса, сол тілді жақсы меңгерген біреуге тексертіңіз;

- Қазіргі жұмысты сипаттаған кезде осы шақ етістігін қолданыңыз, мысалы, істеп жатырмын, жобасын жасап жатырмын; сәйкесінше, өткен жұмыс орындарыңыз туралы жазған кезде етістіктерді өткен шақта қолданыңыз;

- Жүйелі болыңыз: егерде Сіз бір рет қысқарту пайдалансаңыз, оны түйіндеменің барлығында қолданыңыз (бірақта, ең жақсысы барлық атауды толығымен жазу);

- Ұзын сөйлем мен күрделі сөздерден аулақ болыңыз; Қажетті тақырыпшаларды нақты бөліп көрсетіңіз;

- Түйіндемеңіздің бір стильде рәсімделуін қадағалаңыз;

- Оңай оқылатын стильді таңдаңыз (үлкен алаңдар, кішкентай емес шрифт, жолдар арасындағы аралық жеткілікті деңгейде және т.б.);

- Ақ түсті және жақсы сапалы қағазды пайдаланыңыз;

- Түйіндемеңізді бір, ары кеткенде екі бетке сыйдыру өте маңызды;

- Сіз түйіндемеңізді көрсеткен ақпараттаржы растай алатындығыңызға сенімді болыңыз.

28.01.2013 2811 қолданушы көрді