Жұмыспен қамту саласында көрсетілетін қызметтердің аутсорсингінде қатысу бойынша жұмыспен қамтудың жекеше агенттіктеріне арналған ақпарат
 
ХАЛЫҚТЫ ЖҰМЫСПЕН
ҚАМТУ ОРТАЛЫҒЫ
ЖҰМЫСПЕН ҚАМТУДЫҢ ЖЕКЕШЕ АГЕНТТІКТЕРІ ҮШІН АҚПАРАТ
ХАЛЫҚТЫ ЖҰМЫСПЕН ҚАМТУ ОРТАЛЫҚТАРЫ
ЖҰМЫССЫЗДАРДЫ ЖҰМЫСҚА ОРНАЛАСТЫРУ БОЙЫНША
КӨРСЕТІЛЕТІН ҚЫЗМЕТТЕРДІҢ АУТСОРСИНГІН ЖҮЗЕГЕ АСЫРАДЫ

ХАЛЫҚТЫ ЖҰМЫСПЕН ҚАМТУ САЛАСЫНДА КӨРСЕТІЛЕТІН ҚЫЗМЕТТЕРДІҢ АУТСОРСИНГІ

Көрсетілетін қызметтердің аутсорсингі – халықты жұмыспен қамту орталықтарының жұмыспен қамтудың жекеше агенттіктеріне жұмыспен қамту саласында көрсетілетін қызметтердің белгілі бір түрлерін аутсорсинг туралы шарт негізінде беруі.

2018 жылдан бастап аутсорсингке жұмыссыздарды тұрақты жұмыс орындарына орналастыру қызметі беріледі.

ЖҰМЫСПЕН ҚАМТУДЫҢ ЖЕКЕШЕ АГЕНТТІГІНІҢ ЖҰМЫСПЕН ҚАМТУ САЛАСЫНДА КӨРСЕТІЛЕТІН ҚЫЗМЕТТЕРДІҢ АУТСОРСИНГІНЕ ҚАТЫСУ ШАРТТАРЫ

«Халықты жұмыспен қамту туралы» ҚР Заңына сәйкес халықты жұмыспен қамту саласында көрсетілетін қызметтердің аутсорсингіне қатысуға үміткер жұмыспен қамтудың жекеше агенттіктерінде қызметтердің аутсорсингі туралы шарт бойынша міндеттемелерді орындау үшін тиісті тәжірибесі, жеткілікті материалдық және еңбек ресурстары болуы тиіс.

ЖҰМЫСПЕН ҚАМТУДЫҢ ЖЕКЕШЕ АГЕНТТІКТЕРІНЕ АУТСОРСИНГКЕ ҚАТЫСУ ҮШІН ҚОЙЫЛАТЫН БІЛІКТІЛІК ТАЛАПТАРЫ
Заңды тұлға Жеке тұлға
1. Халықты жұмыспен қамту саласында қызметтер көрсету бойынша қызметті жүзеге асыруда кемінде бір жыл тәжірибесінің болуы 1. Халықты жұмыспен қамту саласында қызметтері көрсету бойынша қызметті жүзеге асыруда кемінде бір жыл тәжірибесінің болуы
2. Әлеуметтік-экономикалық, гуманитарлық және техникалық ғылымдар саласында жоғары (немесе жоғары оқу орнынан кейінгі), техникалық және кәсіптік білімі бар және халықты жұмыспен қамту және (немесе) кадрлық қамсыздандыру саласында басшылар үшін кемінде 2 (екі) жыл және мамандар үшін 1 (бір) жыл жұмыс өтілі бар штаттық қызметшілерінің болуы 2. Әлеуметтік-экономикалық, гуманитарлық және техникалық ғылымдар саласында жоғары (немесе жоғары оқу орнынан кейінгі), техникалық және кәсіптік білімі бар, сондай-ақ халықты жұмыспен қамту және (немесе) кадрлық қамсыздандыру саласында кемінде 1 (бір) жыл жұмыс өтілі бар кемінде бір штаттық қызметшісінің болуы
3. Қызметтердің аутсорсингі туралы шарт бойынша міндеттемелерді орындау үшін жеткілікті материалдық ресурстардың болуы (офистік жиһаз, дербес компьютер, принтер, сканер және т. б.) 3. Қызметтердің аутсорсингі туралы шарт бойынша міндеттемелерді орындау үшін жеткілікті материалдық ресурстардың болуы (офистік жиһаз, дербес компьютер, принтер, сканер және т. б.)
4. Төлем жасау қабiлеттілігінің болуы және салық, әлеуметтік төлемдер бойынша берешегінің болмауы 4. Төлем жасау қабiлеттілігінің болуы және салық, әлеуметтік төлемдер бойынша берешегінің болмауы
5. Жұмыссыздарды қабылдау үшін офистың болуы (меншікте немесе жалға алынған) 5. Жұмыссыздарды қабылдау үшін офистың болуы (меншікте немесе жалға алынған)
6. Әділет органдарында мемлекеттік тіркелуінің болуы 6. Жеке кәсіпкер ретінде салық органдарында мемлекеттік тіркелуінің болуы
7. Таратылу немесе банкроттық рәсімдеріне жатпауы 7. Банкроттық рәсімдеріне жатпауы

ЖҰМЫССЫЗДАРДЫ ЖҰМЫСҚА ОРНАЛАСТЫРУ БОЙЫНША АУТСОРСИНГ ҚАЛАЙ ЖҮРГІЗІЛЕДІ?

Аутсорсинг Еңбек биржасы (www.enbek.kz) интернет-порталында электрондық форматта жүзеге асырылады.

Аутсорсингті халықты жұмыспен қамту орталығы жүргізеді.

Жұмыспен қамтудың жекеше агенттігі көрсетілетін қызметтердің аутсорсингіне қатысу үшін Еңбек биржасында тіркеліп, «жеке кабинет» ашады.

Халықты жұмыспен қамту орталығы:

  • сәрсенбі сайын Еңбек биржасында көрсетілетін қызметтердің аутсорсингін өткізу туралы хабарландыру жариялайды;
  • дүйсенбі сайын Еңбек биржасында жекеше агенттіктердің таңдауы үшін жұмыссыздар лоттарын ашады;
  • жекеше агенттіктердің аутсорсингке қатысуға біліктілік талаптарына сәйкестігін тексереді;
  • жекеше агенттікпен көрсетілетін қызметтердің аутсорсингі туралы шарт жасасады;
  • жекеше агенттікке жұмысқа орналастырылуға тиіс жұмыссыздар тізімін және аутсорсинг туралы шартқа сәйкес олар туралы ақпаратты ұсынады;
  • аутсорсинг туралы шарт бойынша жұмыссыздарды жұмысқа орналастыру бойынша қызмет көрсету мониторингін жүргізеді.

Жұмыспен қамтудың жекеше агенттігі Еңбек биржасындағы (www.enbek.kz) «жеке кабинеті» арқылы:

  • халықты жұмыспен қамту орталығына көрсетілетін қызметтердің аутсорсингіне қатысу үшін біліктілік талаптарына сәйкестігін растайтын құжаттар мен ақпаратты ұсынады;
  • жұмыспен қамту орталығымен көрсетілетін қызметтердің аутсорсингі туралы шарт жасасады;
  • шартқа сәйкес жұмыссыздарды тұрақты жұмыс орындарына жұмысқа орналастыру туралы хабарлайды.

Жұмыспен қамтудың жекеше агенттігі аутсорсинг шеңберінде елдің бірнеше өңірінде және жұмыссыздардың бірнеше лоттары бойынша жұмысқа орналастыру бойынша қызмет көрсете алады.

АУТСОРСИНГ ТУРАЛЫ ШАРТ БОЙЫНША ЖЕКЕШЕ АГЕНТТІКТІҢ МІНДЕТТЕМЕЛЕРІ

Жұмыссыз аутсорсинг туралы шартқа қол қойылған күннен бастап 30 жұмыс күні ішінде жұмысқа орналастырылуы тиіс.

Жұмыссыз 12 (он екі) ай мерзімге тұрақты жұмыс орнына жұмысқа орналастырылуы тиіс.

АУТСОРСИНГ ШЕҢБЕРІНДЕ ЖҰМЫССЫЗДЫ ЖҰМЫСҚА ОРНАЛАСТЫРУ БОЙЫНША ҚЫЗМЕТКЕ АҚЫ ТӨЛЕУ

Аутсорсингке берілетін халықты жұмыспен қамту саласындағы қызметтерге тарифтер ҚР Еңбек және халықты әлеуметтік қорғау министрлігінің 19.06.2018 ж. №257 бұйрығымен бекітілген.

Тарифтің мөлшері жұмыссызды жұмысқа орналастыру күрделілігіне және оның жұмыспен қамту орталығында (қала немесе аудан) тіркелу орнына байланысты.

Қызметтерге ақы төлеу кезінде шарттың жалпы сомасының 15%-ы мөлшерінде аванс қарастырылған.

Қызметке ақы төлеу жұмыссыздың жұмысқа орналастырылуы үшін және жұмысқа орналасу орны бойынша оның нақты жұмыспен қамтылу кезеңі үшін жүзеге асырылады.

ХАЛЫҚТЫ ЖҰМЫСПЕН ҚАМТУ ОРТАЛЫҒЫМЕН БАЙЛАНЫСЫҢЫЗ