Жастар практикасы білім беру ұйымдарының түлектері алған кәсібі (мамандығы) бойынша бастапқы жұмыс тәжірибесін жинақтау үшін ұйымдастырылады.

Жастар практикасына 29 жастан аспаған жұмыссыздар оқуды аяқтағаннан кейінгі 3 жыл ішінде жіберіледі.

Жастар практикасы ұзақтығы 6 айға дейін.

Еңбекақы ай сайын төленеді.

Жастар практикасына қатысу үшін жұмыссыздар халықты жұмыспен қамту орталықтарына келесі құжаттарды береді:

1) өтініш;

2) жеке басын куәландыратын құжаттың көшірмесі;

3) еңбек кітапшасының көшірмесі (бар болса);

4) техникалық және кәсіптік, орта білімнен кейінгі, жоғары және жоғары оқу орнынан кейінгі білімі бар екенін растайтын құжаттың көшірмесі.

ҚҰҚЫҚТЫҚ НЕГІЗ

• «Халықты жұмыспен қамту туралы» Қазақстан Республикасының Заңы
• Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасы (Қазақстан Республикасы Үкіметінің 2018 жылғы 13 қарашадағы № 746 қаулысы)
• Жастар практикасын ұйымдастыру және қаржыландыру қағидалары (

  Қазақстан Республикасы Денсаулық сақтау және әлеуметтік даму министрлігінің 2016 жылғы 14 маусымдағы № 516 бұйрығы)