Кәсіптік оқыту

Кәсіптік оқыту еңбек нарығында сұранысқа ие мамандықтар мен дағдылар бойынша кәсіптік даярлау, қайта даярлау және біліктілікті арттыруды қамтиды.

Қысқа мерзімді кәсіптік оқытудан өту үшін халықты жұмыспен қамту орталықтарына (ауылдық жерлерде – кенттер, ауылдық округтер, аудандық маңызы бар қалалар әкімдеріне) өтініш беру қажет.

Қысқа мерзімді кәсіптік оқытудан өтетін азаматтар оқу, стипендия, жол жүру ақысын төлеу бойынша мемлекеттік қолдаумен қамтамасыз етіледі.

Тұрғылықты жерінен тыс елді мекендерде оқитын адамдар үшін тұруға арналған (тұрғын үйді жалдау (жалға алу) бойынша шығыстарды өтеуге) материалдық көмек қарастырылған.

Қысқа мерзімді кәсіптік оқытудың ұзақтығы мамандықтың ерекшеліктеріне байланысты бір айдан алты айға дейін құрайды.

Кәсіптік оқыту жүзеге асырылады:

1) жұмыс іздеп жүрген адамдар үшін;

2) жұмыссыздар үшін;

3) еңбек шарты бойынша жұмыс істейтін азаматтар үшін.

Кәсіптік оқытуға бағытталу ұсыну қажет:

1) өтініш;

2) жеке басын куәландыратын құжат;

3) еңбек кітапшасы (бар болса);

4) білім туралы құжат (аттестат, куәлік, диплом), сондай-ақ, бар болған жағдайда, оқудан өтуді растайтын құжаттар (куәлік, сертификат);

5) денсаулық сақтау ұйымдарының № 086-У бастапқы медициналық құжаттама нысанына сәйкес денсаулық жағдайы туралы анықтама.

 

ҚҰҚЫҚТЫҚ НЕГІЗ

ХАЛЫҚТЫ ЖҰМЫСПЕН ҚАМТУ ОРТАЛЫҒЫМЕН БАЙЛАНЫСЫҢЫЗ