Жұмыссыздарға

Мемлекеттен көмек алу үшін жұмыссыз адам халықты жұмыспен қамту орталығында тіркелуі тиіс. Осыдан кейін оған келесі жұмыспен қамту шаралары қолданылады:

Бірінші жұмыс кәсібін алу үшін жағдай жасау.

Оқыту ұзақтығы кәсіптер мен мамандықтар тізіміне сәйкес оқыту  ұзақтығы мен білім деңгейі бойынша анықталады.

Бағдарлама қатысушыларына мемлекеттік қаражат есебінен оқыту төленеді, бір реттік ыстық тамақпен қамтамасыз етіледі, шәкіртақы төленеді, оқу орнына дейін жету үшін жолақыға ақша беріледі.

Қайда шағымдану қажет: техникалық және кәсіби білім алуға үміткерлер үшін аудандық, қалалық және ауылдық округтерде мобильді топтар құрылады. Сонымен қатар білім беру бөлімдеріне және жұмыспен қамту орталықтарына шағымдануға болады.

Қандай құжаттар қажет: жеке куәлік, білімі туралы құжат (аттестат, куәлік, диплом); 86-У нысанына сәйкес денсаулықтың жағдайы бойынша анықтама 

Өз біліктілік деңгейін көтеруге немесе жаңа мамадықты игеруге мүмкіндік береді алады. Осылайша жұмысқа орналасуға жағдай жасайды.

Оқу мерзімі: 6 айға дейін

Қысқа мерзімді кәсіптік оқытудан өтетін "Еңбек" бағдарламасына қатысушыларға мынадай мөлшерде:

  • облыс шегінде, бірақ "Еңбек" бағдарламасына қатысушылар тұрақты тұратын елді мекендерден тыс орналасқан білім беру ұйымдарында оқыған барлық кезеңде оқу орнына баруға және қайтуға 4 айлық есептік көрсеткіш (бұдан әрі – АЕК) мөлшерінде жол жүруге;
  • "Еңбек" бағдарламасына қатысушылар тұрақты тұратын елді мекендерден тыс орналасқан білім беру ұйымдарында оқыған уақытта Нұр-Сұлтан, Алматы, Шымкент қалаларында, Атырау және Маңғыстау облыстарында тұруға ай сайын – 10 АЕК мөлшерінде, қалған облыстарда, "Еңбек" бағдарламасына қатысушылардың тұрақты тұратын жерінен тыс елді мекендерде орналасқан білім беру ұйымдарында 5 АЕК мөлшерінде;
  • оқудың барлық кезеңінде медициналық тексеріп-қараудан өтуге 2 АЕК мөлшерінде материалдық көмек беріледі.

Қайда шағымдану қажет: тұрғылықты мекен-жайы бойынша жұмыспен қамту оралықтарына.

Қандай құжаттар қажет: жеке куәлік, білімі туралы құжаттың (аттестат, куәлік, диплом) көшірмесі.

Кәсіпкерлік негіздерін оқуға және бизнесті жүргізу әдеттерін меңгеруге мүмкіндігін ұсынады.

Оқыту ұзақтығы 25 күнтізбелік күннен кем емес.

Оқу процесі міндетті түрде дербес консультацияларды, сондай-ақ қаржыландыру тұрғысынан жобаны қорғау мақсатында көпшілік алдында сөз сөйлеу дағдылары бойынша тренингтерді қамтиды.

Оқу қорытындысы бойынша «Бастау Бизнес» жобасында оқуға қатысқаны туралы сертификат беріледі.

Қайда шағымдану қажет: тұрғылықты мекен-жайы бойынша жұмыспен қамту оралықтарына.

Қандай құжаттар қажет: жеке куәлік, білімі туралы құжаттың (аттестат, куәлік, диплом) көшірмесі.

 

Ауылдық елді мекендерде және шағын қалаларда микробизнес ашу, ісін жаңа бастаған және жұмыс істеп жүрген кәсіпкердің қызметін кеңейту, ауыл шаруашылығы кооперативтерін ашу және зәкірлік кооперацияларға қатысушылардың қызметін дамыту үшін жүргізіледі.

Қазақстан Республикасының салық заңнамасына сәйкес салық органдарында тіркелуі және Халықты жұмыспен қамту орталығы берген жолдамасының болуы кредит/микрокредит алуы үшін міндетті шарт болып табылады.

Микробизнес ашу үшін кредиттер/микрокредиттер «Бастау Бизнес» жобасы бойынша бизнес-жобаларды қорғағаннан кейін не сертификат алған күннен бастап кредит/микрокредит алу үшін жүгінген күнге дейінгі соңғы 36 (отыз алты) ай ішінде басқа бағдарламалар шеңберінде кәсіпкерлік негіздеріне оқыту курстарынан өткені туралы сертификаттары болса беріледі.

Кредит/микрокредит мерзімі: 5 жылға дейін, мал шаруашылығы саласындағы жобалар және ауыл шаруашылығы кооперативтерін құру үшін кредит/микрокредит беру мерзімі – 7 жылға дейін;

Кредиттің/микрокредиттің ең жоғары сомасы:

  • ауылдық елді мекендерде (олардың әкімшілік бағыныстылығына қарамастан) және шағын қалаларда – 2,5 мың АЕК-ке дейін, зәкірлік кооперацияны дамыту үшін – 8,0 мың АЕК-ке дейін;
  • қалаларда, моноқалаларда (Нұр-Сұлтан, Алматы, Шымкент, Ақтау, Атырау қалаларынан басқа) – 6,5 мың АЕК-ке дейін;
  • Нұр-Сұлтан, Алматы, Шымкент, Ақтау, Атырау қалаларында – 8,0 мың АЕК-ке дейін.

Номиналды сыйақы мөлшерлемесі – жылдық 6 %-дан аспайды.

Қайда шағымдану қажет: ауылдық округтердің әкімдіктеріне және тұрғылықты мекен-жайы бойынша жұмыспен қамту оралықтарына.

Қандай құжаттар қажет: жеке куәлік, «Бастау Бизнес» жобасы бойынша оқуды бітіргендігі туралы сертификат немесе басқа бағдарламалар шеңберінде кәсіпкерлік негіздеріне оқыту курстарынан өткені туралы сертификат

Бастапқы бизнесті іске асыруды жоспарлайтын немесе іске асырып жатқан «Еңбек» бағдарламасына қатысушыларға өтеусіз және қайтарымсыз негізде беріледі.

Грант көлемі: 200 айлық есептік көрсеткіш.

«Бастау Бизнес» жобасы бойынша кәсіпкерлік негіздеріне оқыту курстарынан өткен немесе «Еңбек» бағдарламасының бірінші бағыты шеңберінде қысқа мерзімді оқуды аяқтаған және бұрын басқа мемлекеттік бағдарламалар шеңберінде гранттар алмаған «Еңбек» бағдарламасының қатысушылары мемлекеттік гранттарды алуға үміткерлер болып табылады.

Мемлекеттік гранттар қажетті инвентарьді, еңбек құралдарын, технологиялық жабдықты, малды, құстарды сатып алуға пайдаланылады.

Қайда шағымдану қажет: тұрғылықты мекен-жайы бойынша жұмыспен қамту оралықтарына.

Қандай құжаттар қажет: жеке басын куәландыратын құжат, «Бастау Бизнес» жобасы бойынша оқуды бітіргендігі туралы сертификат немесе қысқа мерзімді оқыту курстарынан өткені туралы сертификат.

Халықты жұмыспен қамту орталықтарына шағымданған кезде белгілі мамандық бойынша қажетті жұмысты табуға болады («Электронды еңбек биржасы» порталында немесе «Еңбек нарығы» ақпараттық жүйесінде бос жұмыс орындары туралы ақпарат бар болған жағдайда).

Қайда шағымдану қажет: тұрғылықты мекен-жайы бойынша жұмыспен қамту оралықтарына.

Қандай құжаттар қажет: жеке куәлік, еңбек өтілін растайтын құжат (бар болса); білімі туралы дипломның (аттестат, куәлік, диплом) көшірмесі; арнайы білімін немесе кәсіптік дайындығын растайтын құжат (бар болса).

Еңбекақыны субсидиялай отырып, жұмыссыздарды жұмысқа орналастыру үшін құрылады.

Әлеуметтік жұмыс орындарына жұмысқа орналастыру мерзімі 12 айдан аспайды.

Бос жұмыс орны пайда болған кезде жасалған еңбек шартының мерзімі аяқталғанға дейін жұмыс берушінің бастамасы бойынша және қатысушының келісімімен тұрақты жұмысқа орналастыруға рұқсат беріледі.

Жұмыссыздарды әлеуметтік жұмыс орындарына бағыттаған кезде олардың денсаулығы, жас ерекшеліктері, кәсіби және басқа жеке ерекшеліктері ескеріледі.

Қайда шағымдану қажет: тұрғылықты мекен-жайы бойынша жұмыспен қамту оралықтарына.

Қандай құжаттар қажет: жеке куәлік, еңбек өтілін растайтын құжат (бар болса); білімі туралы дипломның (аттестат, куәлік, диплом) көшірмесі; арнайы білімін немесе кәсіптік дайындығын растайтын құжат (бар болса).

Меңгерген кәсібі (мамандығы) бойынша техникалық және кәсіптік, орта білімнен кейінгі, жоғары білім беру ұйымдарының түлектері қатарындағы, алдыңғы үш жыл ішінде оқуын аяқтаған және жиырма тоғыз жасқа толмаған жұмыссыздарға арналған.  

Жастар практикасының ұзақтығы 6 айдан аспайды.

Бір айға арналған субсидия мөлшері 25 АЕК құрайды.

Бос жұмыс орны пайда болған кезде жұмыс берушінің бастамасы бойынша және қатысушының келісімімен тұрақты жұмысқа орналастыруға рұқсат беріледі.

Қайда шағымдану қажет: тұрғылықты мекен-жайы бойынша жұмыспен қамту оралықтарына.

Қандай құжаттар қажет: жеке куәлік, еңбек өтілін растайтын құжат (бар болса); білімі туралы дипломның (аттестат, куәлік, диплом) көшірмесі; арнайы білімін немесе кәсіптік дайындығын растайтын құжат (бар болса).

 

Жұмыскердің алдын ала кәсіптік даярлығын талап етпейді.

Қоғамдық жұмыстарға жұмысқа орналастыру мерзімі 12 айдан аспайды.

Қайда шағымдану қажет: тұрғылықты мекен-жайы бойынша жұмыспен қамту оралықтарына.

Қандай құжаттар қажет: жеке куәлік, еңбек өтілін растайтын құжат (бар болса); білімі туралы құжат(аттестат, куәлік, диплом); арнайы білімін немесе кәсіптік дайындығын растайтын құжат (бар болса).

Бұл жоба бойынша жұмысқа орналастыруды ұйымдастыру алғаш рет жұмыс іздеп жүрген түлектер, жиырма тоғыз жастан аспаған жұмыссыздар, оның ішінде жұмыс тәжірибесі жоқ NEET санатындағы жастар қатарындағы жұмыс іздеп жүрген адамдар үшін жүзеге асырылады.

Жұмыс беруші тұрақты жұмыс орынға 24 айдан кем емес мерзімге жұмысқа орналастырады.

Қайда шағымдану қажет: тұрғылықты мекен-жайы бойынша жұмыспен қамту оралықтарына.

Қандай құжаттар қажет: жеке куәлік, еңбек өтілін растайтын құжат (бар болса); білімі туралы дипломның (аттестат, куәлік, диплом) көшірмесі; арнайы білімін немесе кәсіптік дайындығын растайтын құжат (бар болса).

Бұл зейнеткерлік жасқа жеткен жұмыс істеп жүрген жұмыскерді кейін ауыстырумен жұмысқа орналастыру.

Жұмыс беруші тұрақты жұмыс орынға 18 айдан кем емес мерзімге жұмысқа орналастырады.

Қайда шағымдану қажет: тұрғылықты мекен-жайы бойынша жұмыспен қамту оралықтарына.

Қандай құжаттар қажет: жеке куәлік, еңбек өтілін растайтын құжат (бар болса); білімі туралы дипломның (аттестат, куәлік, диплом) көшірмесі; арнайы білімін немесе кәсіптік дайындығын растайтын құжат (бар болса).

«Еңбек» бағдарламасын жүзеге асыру шеңберінде жұмыс табудың тағы бір мүмкіндігі болып табылады.

«Еңбек» бағдарламасына қатысушыларды ерікті түрде қоныс аудару мынадай бағыттар бойынша:

  • өңіраралық қоныс аудару – жұмыс күші артық облыстардан жұмыс күші жетіспейтін облыстарға жұмысқа орналастыруға және/немесе кәсіпкерлік бастамаларға жәрдемдесу бойынша міндеттемелермен жүзеге асырылады;
  • облыс ішінде қоныс аудару – мемлекеттік тұрғын үй қорынан және/немесе жұмыс берушілердің қаражаты есебінен тұрғын үймен қамтамасыз ету және тұрақты жұмыс орнына жұмысқа орналасу мүмкіндігі болған кезде экономикалық даму әлеуеті төмен елді мекендерден облыстық (аудандық) маңызы бар қалаларға, экономикалық өсу орталықтарына жүзеге асырылады.

Жаңа тұрғылықты жерінде ерікті түрде өңіраралық қоныс аударуды мемлекеттік қолдау:

  1. көшуге материалдық көмек беруді;
  2. тұрғын үйді жалдау (жалға алу) және коммуналдық қызметтерге ақы төлеу бойынша шығыстарды өтеуді;
  3. қызметтік тұрғын үй немесе еңбекші жастар үшін ЖЖК 2020 бағдарламасы шеңберінде салынған (сатып алынған) жатақханалардан бөлмелер, сондай-ақ тұрғын үй сатып алу (құнын төлеп алу) және/немесе салу арқылы қоныс аударушыларды тұрғын үймен қамтамасыз ету үшін жалдамалы тұрғын үй беруді;
  4. қоныс аударуға жәрдем көрсететін жұмыс берушілерге субсидиялар беруді;
  5. қажет болған кезде техникалық және кәсіптік білім алу үшін оқытуға және қысқа мерзімді кәсіптік оқытуға жіберуді;
  6. жұмысқа орналасуға және кәсіпкерлікті дамытуға жәрдемдесуді қамтиды.

«Еңбек» бағдарламасына қатысушыларға және олардың отбасы мүшелеріне сондай-ақ отбасылық жағдайына қарамастан жалғызбастыларға бір рет отыз бес АЕК мөлшерінде көшуге материалдық көмек отағасына және әрбір отбасы мүшесіне беріледі.

Көшуге материалдық көмек «Еңбек» бағдарламасына қатысушыға және оның отбасы мүшелеріне олар жаңа тұрғылықты жерге келгеннен кейін беріледі.

«Еңбек» бағдарламасына қатысушының отбасына, оның ішінде жалғызбастыларға он екі ай бойы ай сайын тұрғын үйді жалдау (жалға алу) және коммуналдық қызметтерге ақы төлеу бойынша шығыстарды өтеуге мынадай мөлшерлерде материалдық көмек беріледі:

  1. қалалық жерлерге қоныс аударғандар үшін:
  • бір адам үшін 20 АЕК мөлшерінде;
  • отбасы мүшелерінің саны екеуден төртеуге дейін болса 25 АЕК мөлшерінде;
  • отбасы мүшелерінің саны бесеу және одан көп болған кезде 30 АЕК мөлшерінде төленеді;

      2. ауылдық жерлерге қоныс аударғандар үшін:

  • бір адам үшін 15 АЕК мөлшерінде;
  • отбасы мүшелерінің саны екеуден төртеуге дейін болған кезде 18 АЕК мөлшерінде;
  • отбасы мүшелерінің саны бесеу және одан көп болған кезде 21 АЕК мөлшерінде төленеді.

Ерікті түрде қоныс аударғанда мемлекеттік қолдау шаралары «Еңбек» бағдарламасына қатысушыға және оның отбасы мүшелеріне бір рет көрсетіледі.

Қайда шағымдану қажет: тұрғылықты мекен-жайы бойынша жұмыспен қамту оралықтарына.

Қандай құжаттар қажет: жеке куәлік, еңбек өтілін растайтын құжат (бар болса).

«Еңбек» бағдарламасының қатысушылары біліктіліктері сәйкес келген жағдайда өз еркімен ауданда (қалада) жүзеге асырылатын жобалар шеңберінде ашылған жұмыс орындарына жұмысқа орналаса алады.

Инфрақұрылымдық жобалар келесі жұмыс түрлері мен объектілер бойынша жүргізіледі:

  1. білім беру, денсаулық сақтау, әлеуметтік қамсыздандыру, мәдениет, спорт, ойын-сауық және демалыс объектілерін күрделі және ағымдағы жөндеу;
  2. елді мекендерді абаттандыру (көшелерді, саябақтарды, скверлерді жарықтандыру және көгалдандыру, иесі жоқ объектілерді бұзу, қатты тұрмыстық қалдықтар полигондарын, шағын сәулет нысандарын, қоршауларды, балалардың ойын және спорт алаңқайларын жайластыру);
  3. мүгедектердің және халықтың жүріп-тұруы шектелген басқа да топтарының қолжетімділігін қамтамасыз ету үшін әлеуметтік-мәдени объектілерді, инженерлік-көлік инфрақұрылымын күрделі, ағымдағы жөндеу;
  4. қалалық автомобиль жолдарды, кентішілік және ауылішілік жолдарды, кірме жолдарды, аудандық маңызы бар жолдарды, тротуарлар, бөгеттер, дамбалар мен көпірлерді күрделі, орташа және ағымдағы жөндеу;
  5. сумен жабдықтау, кәріз объектілері, газбен, жылумен, электрмен жабдықтау жүйелерін күрделі, орташа және ағымдағы жөндеу.

Қайда шағымдану қажет: тұрғылықты мекен-жайы бойынша жұмыспен қамту оралықтарына

Қандай құжаттар қажет: жеке куәлік, білімі туралы құжаттың (аттестат, куәлік, диплом) немесе оқудан өткені туралы басқа да құжаттардың (куәлік, сертификат) көшірмесі.