Қазіргі уақытта еңбек шарттарын есепке алудың бірыңғай жүйесінде еңбек шарты туралы мәліметтерді ұсыну және алу қағидалары бекітілді, оның шеңберінде ЕШЕБЖ-не мәліметтерді ұсыну мерзімдері көзделген.
Жаңанадан жасалған еңбек шарттары бойынша мәліметтерді жұмыс беруші екі жақ еңбек шартын жасаған күннен бастап 5 жұмыс күні ішінде ЕШЕБЖ-ға енгізеді.
Мерзімі өтпеген еңбек шарттары бойынша мәліметтерді жұмыс беруші адам саны 2000-ға дейінгі ұйымдар үшін осы Қағидалар қабылданған күннен бастап бір жыл ішінде, адам саны 2000 асатын ұйымдар үшін екі жыл ішінде ЕШЕБЖ-ға енгізуге тиіс.
Жұмыс беруші еңбек шартына енгізілген өзгерістер мен толықтырулар туралы мәліметтерді ЕШЕБЖ-ға екі жақ еңбек шартына аталған өзгерістер мен толықтыруларға қол қойғаннан кейін күнтізбелік 15 күн ішінде енгізуге тиіс.
Жұмыс беруші қажет болған жағдайда бастапқы мәліметтерді енгізгеннен бастап күнтізбелік 30 күн ішінде:
1) осы Қағидалардың 3 және 6-тармақтарында көрсетілген мәліметтерді қате енгізген жағдайда оларды өзгертеді;
2) жұмыскердің және (немесе) жұмыс берушінің реквизиттерін қате енгізген жағдайда ол мәліметтерді жояды.
Жұмыскер жұмысқа қайта қабылданған жағдайда жұмыс беруші ол жұмысқа қайта қабылданған күннен бастап 10 жұмыс күні ішінде күнін, нөмірін және қайта қабылдау туралу шешім шығарған органды көрсете отырып, мәліметтерге түзетулерді енгізеді.
Жұмыс беруші еңбек шартын бұзу туралы мәліметтерді ЕШЕБЖ-ға еңбек шарты бұзылған күннен бастап күнтізбелік 3 күннен кешіктірмей енгізуі қажет.