Аналитикалық мәліметтері

Қазақстан халқы өсуді жалғастырады, халықтың орташа жылдық саны 2050 жылға қарай 8,2 млн адамға өсіп, 27,8 млн адамға жетеді.

Болжамның базалық нұсқасында өсу қарқыны жылына 1,1-1,4% шегінде өзгереді, орташа жылдық өсу қарқыны (ОЖӨҚ) 1,3%, оптимистік нұсқасында – 1,4-1,7% (ОЖӨҚ 1,5%), пессимистік нұсқасында – 0,7-1,1% (ОЖӨҚ 0,9%).

"Еңбек ресурстарын дамыту орталығы" АҚ дайындаған орта мерзімді болжамға сәйкес базалық (неғұрлым ықтимал) сценарийде 2023-2030 жылдары жалдамалы жұмыскерлерге сұраныс (жаңа сұраныс пен алмастыруға сұранысты қоса алғанда) жиынтық 2 млн-ға жуық адамды - 1 908 мың адамды құрайды.

Көрсетілген кезеңде жалдамалы еңбекке сұраныстың шыңы 2028 жылы күтіледі (базалық сценарийде 261,4 мың адам). Бұл ішінара әйелдердің зейнеткерлік жасын арттыру 2023 жылдан 2028 жылға дейін тоқтатыла тұратындығына байланысты.

Ресми статистикаға сәйкес, 2021 жылы жалпы жұмыс күшінің саны 9,26 миллион адамды құрады, бұл 2020 жылмен салыстырғанда 0,8%-ға және 2019 жылғы пандемияға дейінгі кезеңмен салыстырғанда 0,4%-ға өсті.

Қазақстан Республикасы халқының саны 2020 жылғы 3 тоқсанның деректері бойынша өткен жылдың тиісті кезеңіне қарағанда 1,2% - ға өсті. Халықтың өсуі оңтүстік және батыс аймақтардың есебінен жүреді, ал солтүстік аймақтарда төмендеу байқалады.

Іс жүзінде астана, республикалық маңызы бар қалалар, Түркістан және Батыс Қазақстан облыстарынан басқа барлық өңірлерде жұмыс күшінің азаюы байқалады.

ЭЕБ-да орналастырылған бос жұмыс орындары мен түйіндемелердің жалпы саны 2020 жылдың үшінші тоқсанында 2020 жылдың екінші тоқсанымен салыстырғанда тиісінше 12,2% - ға және 20,2% - ға өсіп, 176 мың бос жұмыс орны мен 123,1 мың түйіндемені құрады.

Қазақстан Республикасында жан басына шаққандағы кіріс тұрақты өсуде, алайда олардың өсу қарқыны айтарлықтай төмендеді. Мемлекет зейнетақылар мен жәрдемақылардың мөлшерін ұлғайту жолымен халықты әлеуметтік қамтамасыз ету және қолдау мәселелеріне ерекше назар аударады, бұл халық табысының 31% - дан астамы әлеуметтік трансферттерді қалыптастыру түрінде өз нәтижелерін береді.

Беттер